គុនខ្មែរ៖ ការ​ប្រកួត​​​គុនខ្មែរជ្រើស​រើស​ជើងឯកពិភពលោក លើក​ទី​៥ ​ក្រោមការសហការឿបត្ថម្ភគាំទ្រក្នុងការរៀបចំព្រឹត្តិការណ៍ ដោយអ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុនវឌ្ឍនៈប្រ៊ូវើរី បាន​បញ្ចប់សម្រាប់ការប្រកួតជម្រុះ​ថ្ងៃ​ទី​១ កាល​ពី​​ថ្ងៃទី​៦ ខែ​ធ្នូ ឆ្នាំ​២០២៤ នៅសាលព្រះរាជដំណាក់ ក្រុងសៀមរាប ​ខេត្ត​សៀម​រាប។ ជា​លទ្ធផល​កីឡាករ កីឡាការិនី​គុន​ខ្មែរ​១១នាក់ មាន៧​នាក់​បាន​ឡើង​ទៅ​វគ្គ​បន្ត ហើយ​អ្នក​លេង​គុន​ខ្មែរ​ចំនួន៤នាក់ ​បាន​ធ្លាក់​ចេញពីការប្រកួត។

កីឡាករ កីឡាការនី ដែលបានឆ្លងកាត់ការប្រកួតសម្រាប់ថ្ងៃទី១ ទាំង១១នាក់ នោះរួមមាន៖

-កីឡាករកម្ពុជា ស៊ុន អ៊ូខុង បាន​ឈ្នះកីឡាករឥណ្ឌា Hanieshvin Deenadaya ដោយពិន្ទុ លើវិញ្ញាសាស្ម័គ្រចិត្ត យុវជនទម្ងន់ ៣៥គីឡូក្រាម។

-កីឡាការិនីកម្ពុជា ខេ ខេម៉ា បានចាញ់ពិន្ទុកីឡាការិនីឥណ្ឌា Dhuvaritha Prabhu លើវិញ្ញាសាស្ម័គ្រចិត្តនារីទម្ងន់ ៤៥គីឡូក្រាម។

-កីឡាការិនីកម្ពុជា សៃ ស្រីភា បាន​ចាញ់ពិន្ទុកីឡាការិនីកៀហ្ស៊ីស៊ីស្ថាន Saalyeva Alia លើវិញ្ញាសាស្ម័គ្រចិត្តនារីទម្ងន់ ៤៨គីឡូក្រាម។

-កីឡាករកម្ពុជា ប៉ែន បូរ៉ា បានឈ្នះកីឡាករឥណ្ឌូនេស៊ី Gading Mukti Wibowo ដោយពិន្ទុ លើវិញ្ញាសាបុរសទម្ងន់ ៥៤គីឡូក្រាម។

-កីឡាករកម្ពុជា រិទ្ធ រ័ត្ន បានឈ្នះកីឡាករ កៀហ្ស៊ីស៊ីស្ថាន Kanymetov Ikhtiiar ក្នុង​ទឹកទី១ លើវិញ្ញាសាបុរសទម្ងន់ ៦៣.៥គីឡូក្រាម។

-កីឡាការិនីកម្ពុជា សំណាង រក្សា បានចាញ់កីឡាការិនីកៀហ្ស៊ីស៊ីស្ថាន Orozbekova Makhabat ក្នុង​ទឹកទី១ លើវិញ្ញាសាបុរសទម្ងន់ ៧០គីឡូក្រាម។

-កីឡាករកម្ពុជា ប៊យ ព្រីន បាន​ឈ្នះកីឡាកររុស្ស៊ី Asainov Daulet ដោយពិន្ទុ លើវិញ្ញាសា ពាក់ កណ្ដាល អាជីពបុរសទម្ងន់ ៥១គីឡូក្រាម។

-កីឡាករកម្ពុជា ហាត់ ភី បាន​ឈ្នះកីឡាករបារាំង Meaume Pierre ក្នុង​ទឹកទី៣ លើវិញ្ញាសាពាក់កណ្ដាល អាជីព បុរសទម្ងន់ ៧១គីឡូក្រាម។

-កីឡាករកម្ពុជា ឬទ្ធី ចៅចិត្រ បានចាញ់កីឡាករកាមេរ៉ូន Mbang Fen Eric ដោយពិន្ទុ លើវិញ្ញាសាអាជីពបុរសទម្ងន់ ៦៣.៥គីឡូក្រាម។

-កីឡាករកម្ពុជា គោរមៈ ច័ន្ទរាជ បានឈ្នះកីឡាករមីយ៉ាន់ម៉ា Saw Jonh ដោយពិន្ទុ លើវិញ្ញាសាអាជីពបុរសទម្ងន់ ៥៦គីឡូក្រាម។

-កីឡាករកម្ពុជា ទៀ វណ្ណា បានឈ្នះកីឡាករថៃ Choknamchai Pa Kong Pattaya ក្នុង​ទឹកទី៣ លើវិញ្ញាសាអាជីពបុរសទម្ងន់ ៦៩គីឡូក្រាម។

គួរជម្រាបជូនថា ការ​ប្រកួត​​​គុនខ្មែរជ្រើស​រើស​ជើងឯកពិភពលោក លើក​ទី​៥ នឹងប្រព្រឹត្តិទៅចាប់ពីថ្ងៃទី០៦-០៨ ខែធ្នូ ពោលគឺមានរយៈពេល៣ថ្ងៃពេញ ខណៈមានការចូលរួមចំណែកសហការឧបត្ថម្ភគាំទ្រដោយ អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុនវឌ្ឍនៈប្រ៊ូវើរី រហូតបញ្ចប់ព្រឹត្តិការណ៍ទាំងមូលតែម្ដង។ ហើយថ្ងៃនេះ គឺជាថ្ងៃ​ទី​២ ត្រូវ​នឹង​ថ្ងៃ​ទី​៧ ខែ​ធ្នូ ឆ្នាំ​២០២៤ ក៏នឹង​មាន​ការ​​ប្រកួត​ជា​ច្រើន​គូ​​ដែល​មាន​ទាំង​កីឡាករ​ កីឡាការិនីគុនខ្មែរ​ខ្មែរ ប៉ះ​កីឡាករ កីឡាការិនី​បរទេស និង​កីឡាករ​ កីឡាការិនី​បរទេស​ប៉ះ​កីឡាការិនី​បរទេស​ថែម​ទៀត​ផងដែរ៕