(កំពត)កាលពីថ្ងៃទី ២៨ វិច្ឆិកា ឆ្នាំ២០២៥ម្សិលមិញនេះលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានចេញសារព្រមានយ៉ាងម៉ឺងម៉ាត់ដល់សាធារណជនដែលយានយន្តបានចតផ្ដេសផ្ដាសរំលោភលើសណ្តាប់ធ្នាប់សាធារណៈ និងបង្កការលំបាកដល់អ្នកដ៍ទៃទៀតនោះជាការព្រមានត្រូវបានបង្ហោះតាមបណ្ដាញសង្គមជាផ្លូវការរបស់លោកឧត្តមសេនីយ៍ទោស្នងការដ្ឋាននគបាលខេត្តកំពតបានគូសបញ្ជាក់ថាឱ្យម្ចាស់យានយន្តបញ្ឈប់ការចតលើទីសាធារណៈបន្តទៅទៀត។

នៅក្នុងសារនោះ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការដ្ឋាននគរបាលខេត្តកំពតបានគូសបញ្ជាក់លើកឡើងថានេះហើយជាផលប្រយោជន៏របស់ខ្លួនឯង តែសូមគិតដល់អ្នកសម្អាតសណ្តាប់ធ្នាប់ទីសាធារណៈផងហើយអស់លោកមានអាណិតដល់អ្នកសម្អាតផង លោកឧត្តមសេនីយ៍ទោ ស្នងការដ្ឋាននគរបាលខេត្តកំពតបានលើកឡើងថា លើកនេះអប់រំធ្វើកិច្ចសន្យា បើមានលើកក្រោយបន្តទៅទៀតនោះ ឡានត្រូវយកមករក្សាទុកនៅស្នងការរដ្ឋាននគរបាលខេត្តកំពតចំនួនមួយខែសិន បើម្ចាស់រថយន្តមិនជឿសាកបានខ្លឹមសារសំខាន់នៃសារព្រមាន
គោលបំណងដើម្បីរំលឹក និងទប់ស្កាត់ការចតយានយន្តដោយគិតតែពីផលប្រយោជន៍ផ្ទាល់ខ្លួន ឯងដោយមិនគិតដល់ការផលប៉ះពាល់ដល់សណ្តាប់ធ្នាប់ទីកន្លែងសាធារណៈបន្តទៅទៀត។

លោកឧត្តមសេនីយ៍ទោ ស្នងការដ្ឋាននគរបាលខេត្តកំពតបានបង្ហោះការដូច្នេះថាផលប៉ះពាល់: ការចតផ្ដេសផ្ដាសធ្វើឱ្យប៉ះពាល់ដល់សោភ័ណភាព និងបង្កការលំបាកដល់មន្ត្រីសម្អាតទីធ្លាសាធារណៈ។
លោកឧត្តមសេនីយ៍ទោស្នងការខេត្តកំពតបានមានប្រសាសន៍ថា វិធានការលើកទី ១ ធ្វើការអប់រំ និងតម្រូវឱ្យធ្វើកិច្ចសន្យាបញ្ឈប់សកម្មភាពនេះ និងវិធានការតឹងរ៉ឹងបន្ទាប់: ក្នុងករណីមិនរាងចាល និងបន្តប្រព្រឹត្តល្មើសនៅពេលក្រោយ យានយន្ត (រថយន្ត) នឹងត្រូវដកហូតយកមករក្សាទុកនៅស្នងការដ្ឋាននគរបាលខេត្ត កំពតក្នុងរយៈពេលមួយខែ។
នេះជាសារបង្ហោះរបស់ស្នងការនគរបាលខេត្តកំពត គឺបានសង្កត់ធ្ងន់លើការអនុវត្តច្បាប់ និងការរក្សាសណ្ដាប់ធ្នាប់ក្នុងបណ្តាទីសាធារណៈ ជាពិសេសការគោរពដល់កិច្ចការងាររបស់អ្នកសម្អាតអនាម័យបរិស្ថានផង។(សឹង រ៉ាត់)