ភ្នំពេញៈ បុរសជាកម្មករកាត់ដេរម្នាក់មិនឃើញទៅធ្វើការហើយបងប្អូនទាក់ទងមកអ្នកស្គាល់គ្នាឲ្យជួយឡើងទៅមើលនៅបន្ទប់ជួលធំក្លិនស្អុយក៏រាយការណ៍ទៅសមត្ថកិច្ចនាំគ្នាជួយគាស់មើលស្រាប់តែប្រទះឃើញដេកស្លាប់។ 

  ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង២រសៀលថ្ងៃទី២៨ខែវិច្ឆិកាឆ្នាំ២០២៥នៅចំណុចបន្ទប់ជួលលេខ ២៥ជាន់ទី២ភូមិចំការឪឡឹក២ សង្កាត់ការកាបទី២ ខណ្ឌពោធិ៍សែនជ័យ រាជធានីភ្នំពេញ។ 

  ជនរងគ្រោះរូបនោះឈ្មោះភិន សុភ័ន ហៅមួង ប្រុសអាយុ២៩ ឆ្នាំមានមុខរបរកម្មកររោងចក្រស្នាក់នៅបន្ទប់
ខាងលើនិងមានស្រុកកំណើតនៅភូមិឈើបាក់ ឃុំបឹងណាយ ស្រុកព្រែឈរ ខេត្តកំពង់ចាម។ 
  តាមព័ត៌មានបានឲ្យដឹងថា បុរសរូបនោះបានបាត់ខ្លួនមិនឃើញទៅធ្វើការតាំងពីថ្ងៃទី២៥ ខែវិច្ឆិកាឆ្នាំ២០២៥។
ស្រប់នៅថ្ងៃទី២៨ខែវិច្ឆិកា អ្នកផ្ទះ បានទាក់ទងទូរស័ព្ទអត់ចូល ក៏ទាក់ទងមកអ្នកស្គាល់គ្នា ស្នាក់នៅបន្ទប់លេខ៣២ នឹងម្នាក់ទៀតធ្វើការសំណង់ដែលស្នា ក់នៅផ្ទះជួលក្បែរគ្នាក៍នាំគ្នាឡើងទៅមើលឃើញទ្វារដាក់គន្លឹៈខាងក្នុងនិងធំក្លិនស្អុយរួចតែទូរសព្ទទៅម្ចាស់ផ្ទះនឹងរាយការណ៍ទៅនគរបាលប៉ុស្តិ៍កាកាបទី១ ហើយនាំគ្នាគាស់បង្អួច មើលស្រាប់តែប្រទះឃើញជនរងគ្រោះដេកស្លាប់ហើមស្អុយទៅហើយក៏រាយការណ៍ទៅនគរបាលការិយាល័យកុសលវិច្ច័យនឹងវិទ្យាដើម្បីចុះមកត្រួតពិនិត្យ។

តាមការបញ្ជាក់របស់នគរបាលជំនាញ កុសល់វិច្ច័យ នឹងវិទ្យាសាស្ត្រ ស្នងការរដ្ឋាននគរបាលរាធានីភ្នំពេញនឹង ក្រុមគ្រូពេទ្យបានចុះទៅត្រួតពិនិត្យសពហើយបានសន្និដ្ឋាន ថា ស្លាប់ដោយសារគាំងបេះដូង។  សពត្រូវបាននគរបាលប្រគល់អោយក្រុមគ្រួសារយកទៅ ធ្វើបុណ្យ៕