កំពង់ស្ពឺ៖ បន្ថែមលើការអនុវត្តតាមគោល នយោបាយរបស់រាជរដ្ឋាភិបាល ក្នុងនាមជាក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ក្រុមការងារទាំងអស់ រួមទាំងថ្នាក់ដឹកនាំនៃខេត្តកំពង់ស្ពឺតែងតែព្យាយាម រិះរកគ្រប់វិធីសាស្ត្រ ដើម្បីសម្របសម្រួល និងរៀបចំបរិយាកាសឱ្យបានល្អ ដើម្បីទាក់ទាញអ្នកវិនិយោគជាតិ និងអន្តរជាតិ មកកាន់ខេត្តកំពង់ស្ពឺ។ ការដែលមានអ្នកវិនិយោគកាន់តែច្រើនក្នុងខេត្តកំពង់ស្ពឺការរីកចម្រើននេះនឹងធ្វើឱ្យប្រជាពលរដ្ឋ មានការរីក ចម្រើនជាមួយគ្នាផងដែរ។

នេះជាប្រសាសន៍ឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជ រដ្ឋាភិបាលចុះមូលដ្ឋានខេត្តកំពង់ស្ពឺកាល ពីល្ងាចថ្ងៃទី២០ ខែមីនា ឆ្នាំ២០២៥ នាឱកាសជួបសំណេះសំណាល និងពិសាអាហារសាមគ្គី ជាមួយវិស័យឯកជនក្នុងខេត្តកំពង់ស្ពឺ។

កម្មវិធីនេះ មានការចូលរួមពីថ្នាក់ដឹកនាំ រួមជាមួយសមាជិកក្រុមការងាររាជរដ្ឋាភិ បាលចុះមូលដ្ឋានក្រុង ស្រុកទាំង៩ ថ្នាក់ ដឹកនាំរដ្ឋបាលខេត្ត ក្រុង ស្រុក មន្ទីរ អង្គ ភាពជុំវិញខេត្ត និងម្ចាស់រោងចក្រ សហគ្រាស និងម្ចាស់អាជីវកម្មទាំងអស់ក្នុងក្របខ័ណ្ឌខេត្ត។

ក្នុងមតិស្វាគមន៍កម្មវិធីនេះ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ បានលើកឡើងថាខេត្តកំពង់ស្ពឺតែងតែបានតាំងចិត្តព្យាយាមសព្វ បែបយ៉ាង ក្នុងការបង្កបរិយាកាសងាយ ស្រួលដល់ការវិនិយោគ នាពេលកន្លងមក។

រយៈពេល១២ឆ្នាំកន្លងមកខេត្តកំពង់ស្ពឺ បានធ្វើការកោតសរសើរដល់ការខិតខំប្រឹង ប្រែងក្នុងការអភិវឌ្ឍខេត្ត ជាពិសេសរយៈ ពេល៨ខែចុងក្រោយមកនេះមានការផ្លាស់ ប្តូរមុខ មាត់គួរឱ្យកត់សម្គាល់ ។

គោលបំណងនៃជំនួបអាហារសាមគ្គី នាពេលនេះដើម្បីចូលរួមអបអរសាទរ ក្នុងពីធីបុណ្យ ចូលឆ្នាំថ្មីប្រពៃណីជាតិខ្មែរ នាពេលខាងមុននេះ និងដើម្បីយកឱកាសថ្លែងអំណរ គុណចំពោះម្ចាស់អាជីវកម្មទាំងអស់ ដែលបានជ្រើសរើសយកខេត្តកំពង់ស្ពឺជាគោលដៅដាក់ទុនវិនិយោគ និងបានបង្កើតឱកាសការងារយ៉ាងច្រើនជូនដល់បងប្អូនប្រជាពលរដ្ឋក្នុងខេត្តកំពង់ស្ពឺ។

ការវិនិយោគទាំងអស់នេះ បានចូលរួមចំណែកយ៉ាងសំខាន់ជួយដល់ការអភិវឌ្ឍហេដ្ឋារចនាសម្ព័ន្ធរូបវ័ន្តនានា ក្នុងក្របខ័ណ្ឌខេត្ត និងការចូលរួមបរិច្ចាគធនធានសម្រាប់សកម្មភាពមនុស្សធម៌។

 ហើយក៏ដើម្បីផ្សារភ្ជាប់ បង្កើនភាពស្និទ្ធស្នាល និងទំនាក់ទំនង និងសហការគ្នាឱ្យរឹតតែស្អិតរមួតបន្ថែមទៀត ជាមួយម្ចាស់អាជីវកម្ម និងដៃគូវិនិយោគទាំងអស់នៅក្នុងក្រប ខណ្ឌ ខេត្តកំពង់ស្ពឺ៕