ខេត្តពោធិ៍សាត់៖ ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ តំណាងដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ បានអញ្ជើញជួបសំណេះសំណាល ចចុះសួរសុខទុក្ខដល់មន្ត្រីនគរបាលជាតិ នៃស្នងការដ្ឋាននគរបាលខេត្តពោធិ៍សាត់ ក្នុងឱកាសពិធីបុណ្យចូលឆ្នាំប្រពៃណីជាតិខ្មែរ។ នារសៀលថ្ងៃទេ២១ ខែមិនា ឆ្នាំ២០២៥ នៅស្នងការនគរបាលខេត្តពោធិ៍សាត់។

ក្នុងពិធីនេះដែរក៏មានការអញ្ជេីញចូលរួមពី ឯកឧត្តម ឧត្តមសេនីយ៍ វរសេនីយ៍ អមដំណើរដោយប្រតិភូ នៃអគ្គស្នងការដ្ឋានគរបាលជាតិ លោកឧត្តមសេនីយ៍ទោ ស ថេង ស្នងការ នៃស្នងការដ្ឋាននគរបាលខេត្តពោធិ៍សាត់ លោកឧត្តមសេនីយ៍ទោ ស្នងការនគរបាលខេត្តបាត់ដំបង លោកឧត្តមសេនីយ៍ទោ ស្នងការនគរបាលខេត្តបន្ទាយមានជ័យ លោក-លោកស្រី ឧត្តមសេនីយ៍ វរសេនីយ៍ ស្នងការរង លោក-លោកស្រី នាយការិយាល័យ លោកអធិការនគរបាលក្រុង/ស្រុក និងនាយប៉ុស្តិ៍នគរបាលរដ្ឋបាល ទាំង៤៩ ឃុំ/សង្កាត់ ផងដែរ។ 

លោកឧត្តមសេនីយ៍ទោ ស ថេង ស្នងការ នៃស្នងការដ្ឋាននគរបាលខេត្តពោធិ៍សាត់ បានឡើងអានរបាយការណ៍សង្ខេបអំពីលទ្ធផលកិច្ចប្រតិបត្តិការ ស្ថានភាពភូមិសាស្រ្ត និងស្ថានភាពកម្លាំងនគរបាល ចំណុះស្នងការដ្ឋាននគរបាលខេត្ត ។

ក្នុងរបាយការណ៍បានលើកឡើងអំពីការរក្សាសណ្តាប់ធ្នាប់សាធារណៈ ដើម្បីធានាឱ្យមានសុវត្ថិភាព និងសង្គមរួសរាយរីករាយ។ កម្លាំងនគរបាលបានអនុវត្តសកម្មភាពជាច្រើន រួមមាន៖
ការបង្រ្កាបបទល្មើសជាច្រើនប្រភេទ ដូចជា៖ ល្មើសគ្រឿងញៀន ការលួចចោរកម្ម និងការប្រព្រឹត្តអំពើហិង្សា។

ការបង្ក្រាបល្បែងសុភមង្គលខុសច្បាប់ និងបទល្មើសបណ្តាលឱ្យខូចខាតសង្គម។

ការក្រៀវក្រំលើបញ្ហាចរាចរណ៍ ដើម្បីបង្ការនិងកាត់បន្ថយគ្រោះថ្នាក់ចរាចរណ៍។

ខេត្តពោធិ៍សាត់មានស្ថានភាពសង្គមធម្មតា ប៉ុន្តែមានការរីកចម្រើនលើវិស័យសេដ្ឋកិច្ច និងទេសចរណ៍។ ទោះបីជាយ៉ាងនេះក្តី បទល្មើសមួយចំនួននៅតែមានការចង្រ្កាប។

កម្លាំងនគរបាលខេត្តពោធិ៍សាត់ បានបន្តការអភិវឌ្ឍន៍សមត្ថភាពខ្លួន ដោយបង្កើនការចុះអនុវត្តការងារ និងសហការជាមួយប្រជាពលរដ្ឋ ដើម្បីធានាសុវត្ថិភាពសង្គម។

លោកឧត្តមសេនីយ៍ទោ ស ថេង បានលើកឡើងថា កម្លាំងនគរបាលនឹងបន្តខិតខំប្រឹងប្រែង ដើម្បីរក្សាសណ្តាប់ធ្នាប់សាធារណៈ និងធានាសុវត្ថិភាពសម្រាប់ប្រជាពលរដ្ឋ។

ក្នុងឱកាសនោះ ឯកឧត្តម នាយឧត្តមសេនីយ៍ ស ថេត បាននាំនូវការផ្តាំផ្ញើសាកសួរសុខទុក្ខ ពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃព្រះរាជាណាចក្រកម្ពុជា និងឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជូនដល់កងកម្លាំងនគរបាលទាំងអស់ នៃស្នងការដ្ឋាននគរបាលខេត្ដពោធិ៍សាត់ ។ឯកឧត្តម នាយឧត្តមសេនីយ៍ អគ្គស្នងការនគរបាលជាតិ បានធ្វើការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងបំពេញតួនាទីភារកិច្ច បម្រើលើសេវាសាធារណៈ និងខិតខំធានាឱ្យបាននូវសុខសន្តិសុខ សុវត្ថិភាព និងសណ្តាប់ធ្នាប់  ជូនប្រជាពលរដ្ឋ នាពេលកន្លងមក ក្រោមការដឹកនាំរបស់លោកឧត្តមសេនីយ៍ទោ ស ថេង ស្នងការនគរបាលខេត្ត ។

ឯកឧត្តម នាយឧត្តមសេនីយ៍ ស ថេត ក៏បានណែនាំបន្ថែមឲ្យកងកម្លាំងនគរបាលទាំងអស់ ត្រូវត្រៀមលក្ខណៈសម្បត្តិឲ្យបានគ្រប់គ្រាន់ ដើម្បីរក្សាសុវត្ថិភាព សន្តិសុខ សណ្តាប់ធ្នាប់ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ នាពេលខាងមុខ ទន្ទឹមនោះបណ្តាអង្គភាពជំនាញត្រូវពង្រឹងសមត្ថភាព ក្នុងការបង្ការ ទប់ស្កាត់ និងបង្រ្កាបនូវរាល់បទល្មើសគ្រប់ប្រភេទ ពិសេសក្មេងទំនើង និងបទល្មើសគ្រឿងញៀន សំដៅរក្សាសុវត្ថិភាព សន្តិសុខ សណ្តាប់ធ្នាប់ជូនប្រជាពលរដ្ឋ និងសង្គមជាតិ ។

ជាចុងក្រោយ ឯកឧត្ដម នាយឧត្ដមសេនីយ៍ អគ្គស្នងការនគរបាលជាតិ ក៏បានឧបត្ថម្ភថវិកាមួយចំនួន ជូនដល់អង្គភាពស្នងការដ្ឋាននគរបាលខេត្តពោធិ៍សាត់ និងបានប្រគល់សម្ភារមួយចំនួនរួមមាន៖ អាវចំណាំងផ្លាត; អាវការពារគ្រាប់ និងខ្នោះដៃ ផងដែរ៕ លាន គ្រន