សៀមរាប៖ ក្រសួងសុខាភិបាលកម្ពុជា បើកសិក្ខាសាលា ស្តីពី ការពន្លឿនវឌ្ឍនភាពនៃការពង្រីកវិសាលភាពឆ្ពោះទៅរកការទទួលស្គាល់ជាអន្តរជាតិ ISO 17025 របស់ មន្ទីរពិសោធន៍រូប-គីមីសាស្ត្រ និងមន្ទីរពិសោធន៍អតិសុខុមសាស្ត្រ នៃមជ្ឈមណ្ឌលជាតិ ពិសោធន៍សុខាភិបាល។ សិក្ខាសាលានេះ រៀបចំឡើងនាសៀមរាប នៅថ្ងៃសុក្រ ទី២១ ខែមីនា ឆ្នាំ២០២៥ ម្សិលមិញនេះ។
ដោយមានការអនុញ្ញាតពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល លោកសាស្ត្រាចារ្យ ស៊ា ហួង រដ្ឋលេខាធិការក្រសួងសុខាភិបាល និងជានាយករងគម្រោង មូលនិធិសកល នៃក្រសួងសុខាភិបាល បានអញ្ជើញចូលរួមជាអធិបតីក្នុងពិធីបើកអង្គសិក្ខាសាលា ស្តីពី “ការពន្លឿនវឌ្ឍនភាពនៃការពង្រីកវិសាលភាពឆ្ពោះទៅរកការទទួលស្គាល់ជាអន្តរជាតិ ISO 17025 របស់មន្ទីរពិសោធន៍រូប-គីមីសាស្ត្រ និងមន្ទីរពិសោធន៍អតិសុខុមសាស្ត្រ នៃមជ្ឈមណ្ឌលជាតិពិសោធន៍សុខាភិបាល”។
គោលបំណងនៃសិក្ខាសាលានេះ គឺដើម្បីជំរុញអនុលោមភាពតាមស្តង់ដាអន្តរជាតិ ISO 17025 ដើម្បីពង្រីកវិសាលភាពប៉ារ៉ាម៉ែត្រតេស្តផ្នែកមន្ទីរពិសោធន៍រូប-គីមីសាស្ត្រ។ ពង្រឹងសមត្ថភាពតេស្តប៉ារ៉ាមែត្រផ្នែកមន្ទីរពិសោធន៍អតិសុខុមសាស្ត្រ។ វាយតម្លៃវឌ្ឍនភាពទទួលបានពីការអនុវត្តន៍គម្រោងឆ្នាំ២០២៤ និងទិសដៅសកម្មភាពការងារអនុវត្តន៍គម្រោងឆ្នាំ២០២៥។
សាស្ត្រាចារ្យ ស៊ា ហួង រដ្ឋលេខាធិការក្រសួងសុខាភិបាល បានផ្តល់អនុសាសន៍ជូនដល់អង្គសិក្ខាសាលា របស់មជ្ឈមណ្ឌលជាតិ ពិសោធន៍សុខាភិបាល លើការអនុវត្តគម្រោង KHM-C-MEF/1999 C19RM ក្រោមការទទួលសេវា បច្ចេកទេសពី USP (US Pharmacopeia) ឱ្យមានប្រសិទ្ធភាព បុរេសកម្ម និងស្វាហាប់ទាន់ពេលវេលា ដែលបានកំណត់ដោយជោគជ័យ ក្នុងការទទួលស្គាល់លើការធ្វើតេស្តរបស់ មន្ទីរពិសោធន៍មជ្ឈមណ្ឌល ជាតិពិសោធន៍សុខាភិបាល មានអនុលោមភាពជាមួយស្តង់ដាអន្តជាតិ ISO 17025 និង WHO-Prequalification ដែលបានគ្រោងទុក។
គួរបញ្ជាក់ផងដែរថា ក្រោមការអនុវត្តគម្រោងមូលនិធិសកល RSSH ឆ្នាំ២០២១ ដល់ឆ្នាំ២០២៣ ជាមួយនឹងជំនួយបច្ចេកទេសពី USP មជ្ឈមណ្ឌលជាតិបានទទួលអនុលោមភាពទៅតាមស្តង់ដា ISO/IEC 17025 សម្រាប់មន្ទីរពិសោធន៍រូបគីមីសាស្ត្រជំហានដំបូងមួយរួចហើយ នៅខែតុលា ឆ្នាំ២០២៣ (១៣ ប៉ារ៉ាមែត្រតេស្ត)។
ពិធីនេះរៀបចំឡើងនៅសណ្ឋាគារប៉ារ៉ាឌី ដោយមានការចូលរួមពី លោកវេជ្ជបណ្ឌិត ក្រុស សារ៉ាត់ ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាល នៃរដ្ឋបាលខេត្តសៀមរាប លោកវេជ្ជបណ្ឌិត ហ៊ីម សុក្រី ប្រធានគ្រប់គ្រងគម្រោងទទួលបន្ទុកបច្ចេកទេសនៃ MoH-Lit និងលោកឱសថការី ទេព កីឡា ជានាយកមជ្ឈមណ្ឌលជាតិពិសោធន៍សុខាភិបាល ព្រមទាំងថ្នាក់ដឹកនាំ មន្ត្រីរាជការ បុគ្គលិក សរុបអ្នកចូលរួម ចំនួន ៧៤ នាក់៕
ប្រធានមន្ទីរសុខាភិបាលខេត្តព្រះវិហារ ណែនាំកុំឱ្យមានបាតុភាពបែងចែករវាងអ្នកប្រើបណ្ណសមធម៌, បណ្ណ ប.ស.ស និងអ្នកមកទទួលសេវាដោយបង់ប្រាក់ធម្មតា នៅតាមមន្ទីរពេទ្យ
ស្ដ្រីរងរបួសដោយសាររញ្ជួយដីនៅថៃទទួលបានប្រាក់ឧបត្ថម្ភ១០លានរៀលពីនាយករដ្ឋមន្ដ្រី ព្រមទាំងថ្លៃព្យាបាលទាំងអស់រហូតដល់ជាសះស្បើយ
រដ្ឋមន្ត្រីក្រសួងការពារជាតិ បញ្ជាឱ្យអង្គភាពជំនាញ ត្រួតពិនិត្យភ្លាមៗ លើអាកប្បកិរិយារបស់លោកផ្កាយ១ ឈាវ មុន្នីន តារាតិកតុក
ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់ជាមួយផ្គររន្ទះ និងខ្យល់ កន្ត្រាក់គ្របដណ្តប់លើផ្ទៃដី៣០%
