ប្រព័ន្ធផ្សព្វផ្សាយរដ្ឋ KCNA បានរាយការណ៍ថា មេដឹកនាំកូរ៉េខាងជើង លោក គីម ជុងអ៊ុន បានត្រួតពិនិត្យការបាញ់សាកល្បងប្រព័ន្ធមីស៊ីលប្រឆាំងយន្តហោះចុងក្រោយបង្អស់របស់ប្រទេសនេះ កាលពីថ្ងៃព្រហស្បតិ៍ ខណៈដែលអ្នកជំនាញមួយចំនួនបាននិយាយថា ទីក្រុងព្យុងយ៉ាង ប្រហែលជាកំពុងទទួលបានជំនួយបច្ចេកទេសពីប្រទេសរុស្ស៊ីដើម្បីបំពេញប្រព័ន្ធបែបនេះ។
KCNA មិនបានបញ្ជាក់ថាការធ្វើតេស្តនេះត្រូវបានធ្វើនៅកន្លែងណានោះទេ ប៉ុន្តែបានបញ្ជាក់ថាលោក Kim ត្រូវបានចូលរួមដោយសមាជិកនៃគណៈកម្មាធិការយោធាកណ្តាលនៃគណបក្សពលករកូរ៉េដែលកំពុងកាន់អំណាច។
បើយោងតាមការអះអាងពីអ្នកជំនាញបាននិយាយថា ទីក្រុងព្យុងយ៉ាងអាចនឹងកំពុងទទួលបានជំនួយពីរុស្ស៊ីសម្រាប់ប្រព័ន្ធមីស៊ីលប្រឆាំងយន្តហោះ ជាពិសេសដោយសារតែទំនាក់ទំនងសន្តិសុខកាន់តែមានភាពស្អិតរមួត។ លោក Shin Seung-ki ប្រធានផ្នែកស្រាវជ្រាវលើយោធាកូរ៉េខាងជើងនៅវិទ្យាស្ថានកូរ៉េ សម្រាប់ការវិភាគការពារជាតិដែលគ្រប់គ្រងដោយរដ្ឋបាននិយាយថា "កាលពីដើមឡើយកូរ៉េខាងជើងបានណែនាំប្រព័ន្ធសព្វាវុធរបស់សូវៀត និងអភិវឌ្ឍអាវុធដោយផ្អែកលើសូវៀត ហើយទំនងជាការរំពឹងខ្ពស់ណាស់ដែលរុស្ស៊ីបានផ្តល់ឱ្យនូវអ្វីដែលកូរ៉េខាងជើងទាមទារ ដោយសារតែការពង្រឹងកិច្ចសហប្រតិបត្តិការ" ។ ទីប្រឹក្សាសន្តិសុខជាតិរបស់កូរ៉េខាងត្បូងបាននិយាយកាលពីឆ្នាំមុនថា រុស្ស៊ីបានផ្តល់ឲ្យកូរ៉េខាងជើងនូវកាំជ្រួចប្រឆាំងដែនអាកាស និងឧបករណ៍ការពារដែនអាកាសជាថ្នូរនឹងការបញ្ជូនទាហានទៅគាំទ្រទីក្រុងម៉ូស្គូ ក្នុងសង្គ្រាមប្រឆាំងនឹងអ៊ុយក្រែន។
រីឯនៅក្នុងសេចក្តីថ្លែងការណ៍ដែលធ្វើឡើងដោយ KCNA អ្នកនាំពាក្យរបស់ក្រសួងការពារជាតិកូរ៉េខាងជើងបានរិះគន់សមយុទ្ធរួមគ្នាចុងក្រោយបំផុតរបស់កូរ៉េខាងត្បូង និងសហរដ្ឋអាមេរិក ដោយហៅថា "មិនប្រុងប្រយ័ត្ន" និង "ការហាត់សមនៃសង្គ្រាម" ។ សេចក្តីថ្លែងការណ៍បានបន្តថា ជម្រើសទាំងអស់សម្រាប់ការទប់ស្កាត់សហរដ្ឋអាមេរិកនិងកូរ៉េខាងត្បូងកំពុងត្រូវបានពិចារណា រួមទាំងការប្រើប្រាស់ "មធ្យោបាយយោធា
ដែលបំផ្លិចបំផ្លាញបំផុត និងសម្លាប់មនុស្ស" ខណៈពេលដែលជំរុញឱ្យយោធានៃប្រទេសទាំងពីរបញ្ឈប់សកម្មភាពរបស់ពួកគេ៕