គ្រោះរញ្ជួយដីកម្រិត ៧.៧ រ៉ិចទ័រ បានវាយប្រហារសហភាពមីយ៉ាន់ម៉ាភាគកណ្កាល កាលពីថ្ងៃសុក្រ បង្កឱ្យមានការភ័យស្លន់ស្លោ និងការបំផ្លិចបំផ្លាញយ៉ាងច្រើន ក្នុងនោះក៏មានមនុស្សរងគ្រោះស្លាប់ផងដែរ ខណៈពេលនេះ រដ្ឋាភិបាលបានប្រកាសអំពាវនាវ ដើម្បីស្វែងរកជំនួយសង្គ្រោះបន្ទាន់។
ប្រជាជនមីយ៉ាន់ម៉ា បាននាំគ្នារត់ចេញ និងភៀសខ្លួនចេញពីអគារនានា ខណៈដីបានញ័រ ដោយមានការរញ្ជួយមិនត្រឹមតែនៅក្នុងសហភាពមីយ៉ាន់ម៉ាប៉ុណ្ណោះទេ ប៉ុន្តែក៏មានរញ្ជួយនៅក្នុងប្រទេសថៃ ផ្នែកមួយចំនួនៀតនៅប្រទេសចិន។ ដោយឡែកប្រទេសកម្ពុជា ក៏រងឥទ្ធិពលតិចតួច នៃការរញ្ជូនដីនេះផងដែរ។ 
បច្ចុប្បន្ន រដ្ឋាភិបាលមីយ៉ាន់ម៉ា បានប្រកាសរដ្ឋក្នុងគ្រាអាសន្ន នៅក្នុងតំបន់ និងរដ្ឋ ដែលរងផលប៉ះពាល់ រួមទាំងទីក្រុង Naypyidaw និង Mandalay និងបានស្នើសុំជំនួយមនុស្សធម៌អន្តរជាតិ៕