(កំពត) នៅព្រឹកថ្ងៃទី៣០ ខែមីនា ឆ្នាំ ២០២៥នេះ ឯកឧត្ដម វណ្ណា រ៉ា អ្នកតំណាងរាស្ត្រមណ្ឌលកំពត បានអញ្ជើញចុះទៅចូលរួមធ្វើបុណ្យផ្ការរស្មីសាមគ្គី ដើម្បីប្រមូលបច្ឆ័យ ស្តារជ្រះទឹក ដែលស្ថិតនៅ វត្តពោធិដុះ(វត្តដំណាក់កន្ទួត ) ស្ថិតនៅក្នុងភូមិដំណាក់កន្ទួត ឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត ។

ក្នុងឧកាសនោះដែរ ឯកឧត្ដម វណ្ណា រ៉ា អ្នកតំណាងរាស្ត្រមណ្ឌលកំពតបានមានមតិសំណេះសំណាលជាមួយព្រះចៅអធិការវត្តភិក្ខុសាមណេរ លោកអាចារ្យគណ:កម្មការវត្ត ព្រមទាំងលោកយាយលោកតាដែលបានមកចូលរួម ធ្វើបុណ្យផ្ការស្មីសាមគ្គីនៅក្នុងវត្ត អង្គពោធិ៍ដុះ(ហៅវត្តដំណាក់កន្ទួត)នាឧកាសនោះ ឯកឧត្តមនឹងបាននាំយកបច្ច័យ ដែលបានមកពីគណបក្សប្រជាជន នឹងយុវជនស្រលាញ់សន្តិភាព បានចំនួន ២.៦៩៥០០០រៀលដើម្បីប្រគេនដល់ព្រះសង្ឃផងដែរ ។

ជាមួយគ្នានេះ ឯកឧត្ដម វណ្ណា រ៉ា អ្នកតំណាងរាស្ត្រមណ្ឌលកំពតបានមានប្រសាសន៍បន្តថា នៅក្រោមការដឹកនាំ របស់សម្ដេចបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តែងតែយកចិត្តទុកដាក់និងគិតគូរ ពីសុខទុក្ខប្រជាពលរដ្ឋគ្រប់ៗ គ្នា។

លើសពីនេះឯកឧត្តម តំណាងរាស្ត្រមណ្ឌលកំពត និងសម្ដេចបានដាក់នូវយន្តការស្តារប្រឡាយ ស្តារស្រះទឹក ដើម្បីស្តុបទឹកយកទឹកផ្គត់ផ្គង់ ជូនដល់បងប្អូនប្រជាពលរដ្ឋ យកទៅប្រើប្រាស់ក្នុងវិស័យ កសិកម្ម នឹងប្រើប្រាស់ទៅតាមតំនូវការផ្សេងៗរួមនៅក្នុងមូលដ្ឋាន។ 

ចំពោះយន្តការស្តារជ្រះទឹកនេះឯកឧត្ដម វណ្ណា រ៉ា តំណាងរាស្ត្រមណ្ឌលកំពត បានបញ្ជាក់បន្ថែមឱ្យដឹងថា នៅក្នុងទឹកដីខេត្តកំពតបានស្តារស្រះ ទឹកបានចំនួន ២០កន្លែង ដោយក្នុងនោះដែរ ស្រុកកំពង់ត្រាចស្តារ បានចំនួន ១៤កន្លែង ។ 

បន្ទាប់ពីមតិសំណេះសំណាលនឹងសួរសុខទក្ខប្រជាពលរដ្ឋរួច ឯកឧត្ដម វណ្ណា រ៉ា អ្នកតំណាងរាស្ត្រមណ្ឌលក៍បានផ្តាំផ្ញើ ទៅកាន់លោកយាយលោកតាបងប្អូនប្រជាពលរដ្ឋទាំងអស់ ត្រូវនាំគ្នាទៅចុះឈ្មោះ បោះឆ្នោតឱ្យបានគ្រប់ៗនៅថ្ងៃទី ១ ខែ ឧសភា ឆ្នាំ២០២៥ ខាងមុខនេះដើម្បីដឹងគុណដល់នៃសុខសន្តិភាពនាបច្ចុប្បន្នដល់សព្វថ្ងៃនេះ ហើយសូមបងប្អូនប្រជាពលរដ្ឋនិងពុកម៉ែទាំងអស់សូមបោះឆ្នោតជូន គណបក្សប្រជាជនកម្ពុជាឱ្យបានគ្រប់ៗនាពេលខាងមុខកុំបីអាក់ខាន។ (សឹង រ៉ាត់)