MSJTV NEWS: កូរ៉េខាងជើងផ្លាស់ប្តូររដ្ឋធម្មនុញ្ញ និងប្រកាសខ្លួនជា «រដ្ឋនុយក្លេអ៊ែរ» បានធ្វើឱ្យលោកខាងលិចកំពុងព្រួយបារម្ភយ៉ាងខ្លាំង

Phally Nov

2023-09-28 13:33

522

កូរ៉េខាងជើង៖ មេដឹកនាំកូរ៉េខាងជើង លោក គីម ជុងអ៊ុន បាននិយាយនៅក្នុងកិច្ចប្រជុំ នៃសភាប្រជាជនរដ្ឋ ដែលបានធ្វើឡើងកាលពីថ្ងៃអង្គារ និងថ្ងៃពុធថា “គោលនយោបាយកសាងកម្លាំងនុយក្លេអ៊ែរ របស់កូរ៉េខាងជើងត្រូវបានបង្កើតឡើងជាអចិន្ត្រៃយ៍ជាច្បាប់មូលដ្ឋានរបស់រដ្ឋ ដែលគ្មាននរណាម្នាក់ ត្រូវបានអនុញ្ញាតិឱ្យនិយាយអ្វីទាំងអស់” ។ នេះបើតាមចេញផ្សាយរបស់ទីភ្នាក់ងារព័ត៌មាន KCNA។

ប្រទេសកូរ៉េខាងជើងបានធ្វើការសាកល្បងអាវុធជាច្រើនដងក្នុងឆ្នាំនេះ ហើយទំនាក់ទំនងជាមួយកូរ៉េខាងត្បូង និងសហរដ្ឋអាមេរិកមានភាពតានតឹងខ្លាំង ចំពេលមានការព្រួយបារម្ភចាប់តាំងទីក្រុងព្យុងយ៉ាងធ្វើការសាកល្បងអាវុធនុយក្លេអ៊ែរ ជាលើកដំបូងចាប់តាំងពីឆ្នាំ២០១៧ និងបានធ្វើការសាកល្បងចំនួនប្រាំមួយដងចាប់តាំងពីឆ្នាំ២០០៦មក។

ប្រភពបានព័ត៌មាន បាននិយាយថា កាលពីមួយឆ្នាំមុន សភាបានអនុម័តច្បាប់មួយដែលប្រកាសកូរ៉េខាងជើង «ជារដ្ឋអាវុធនុយក្លេអ៊ែរ» ហើយលោក Kim បាននិយាយថា ស្ថានភាពនេះ «មិនអាចត្រឡប់វិញបាន»។ ច្បាប់ថ្មីនោះក៏អនុញ្ញាតឱ្យមានការប្រើអាវុធនុយក្លេអ៊ែរជាមុនផងដែរ។ ឥឡូវនេះ ក្តីសង្ឃឹមកាន់តែស្រអាប់សម្រាប់ការរំសាយអាវុធនុយក្លេអ៊ែរ សភាបានបន្តទៅមុខទៀត ដោយកំណត់ស្ថានភាពអាវុធនុយក្លេអ៊ែរ នៅក្នុងរដ្ឋធម្មនុញ្ញខ្លួនឯង។

លោក Kim បាននិយាយថា «នេះគឺជាព្រឹត្តិការណ៍ប្រវត្តិសាស្ត្រ ដែលផ្តល់នូវកម្លាំងនយោបាយដ៏មានឥទ្ធិពលសម្រាប់ការពង្រឹងសមត្ថភាពការពារជាតិគួរឱ្យកត់សម្គាល់» នេះបើយោងតាមការដកស្រង់របស់ទីភ្នាក់់ងារសារព័ត៌មនា KCNA។

លោក Kim ក៏បាននិយាយផងដែរថា “សហរដ្ឋអាមេរិក កូរ៉េខាងត្បូង និងជប៉ុន បានបង្កើត «សម្ព័ន្ធភាពយោធាត្រីកោណ» ហើយនេះ ទីបំផុតបានបណ្តាលឱ្យមានការលេចចេញនូវ «អង្គការណាតូកំណែអាស៊ី» ដែលជាមូលហេតុនៃសង្រ្គាម និងការឈ្លានពាន”។

លោក Kim បាននិយាយទៀងថា “នេះគ្រាន់តែជាការគំរាមកំហែងជាក់ស្តែងដ៏អាក្រក់បំផុត មិនមែនគំរាមកំហែងដោយវោហាសាស្ត្រ ឬការស្រមើលស្រមៃនោះទេ”។ ប្រទេសកូរ៉េខាងជើង បានធ្វើការសាកល្បងអាវុធហាមឃាត់ជាច្រើនដងមកទល់ពេលនេះ ដែលជាការសាកល្បងចុងក្រោយដែលពាក់ព័ន្ធនឹងមីស៊ីលផ្លោងរយៈចម្ងាយខ្លីចំនួនពីរ នៅថ្ងៃទី១៣ ខែកញ្ញានេះ ខណៈដែលលោក Kim បានរៀបចំធ្វើដំណើរទៅកាន់ប្រទេសរុស្ស៊ី សម្រាប់កិច្ចប្រជុំកំពូលជាមួយប្រធានាធិបតី Vladimir Putin។ វាក៏បានបរាជ័យផងដែរកាលពីខែមុនក្នុងការប៉ុនប៉ងលើកទីពីររបស់ខ្លួនក្នុងការដាក់ផ្កាយរណបចារកម្មចូលទៅក្នុងគន្លងតារាវិថី។

សហរដ្ឋអាមេរិក និងកូរ៉េខាងត្បូង ធ្វើសមយុទ្ធកងទ័ពជើងទឹកជាមួយជប៉ុន។ កូរ៉េខាងត្បូង និងសហរដ្ឋអាមេរិក បានបង្កើនកិច្ចសហប្រតិបត្តិការលើវិស័យការពារជាតិជាការឆ្លើយតបរៀបចំសមយុទ្ធរួមក៏ដូចជាសមយុទ្ធកងទ័ពជើងទឹកជាមួយប្រទេសជប៉ុន។ ទំនាក់ទំនងរវាងកូរ៉េទាំងពីរ គឺស្ថិតនៅចំណុចទាបបំផុតរបស់ពួកគេក្នុងរយៈពេលជាច្រើនឆ្នាំ ហើយការទូតត្រូវបានជាប់គាំងបន្ទាប់ពីការប៉ុនប៉ងបរាជ័យក្នុងការពិភាក្សាអំពីការរំសាយអាវុធនុយក្លេអ៊ែររបស់ទីក្រុងព្យុងយ៉ាង។

KCNA រាយការណ៍ថា កាលពីថ្ងៃទី០២ ខែកញ្ញា ផងដែរថា ប្រទេសកូរ៉េខាងជើង បានធ្វើសមយុទ្ធ «ការវាយប្រហារនុយក្លេអ៊ែរដោយក្លែងធ្វើជាយុទ្ធសាស្ត្រ» ជាមួយនឹងក្បាលគ្រាប់បរមាណូចំអកភ្ជាប់ទៅនឹងកាំជ្រួចរយៈចម្ងាយឆ្ងាយចំនួនពីរដែលត្រូវបានសាកល្បងបាញ់ចូលទៅក្នុងមហាសមុទ្រ។ វាបាននិយាយថា ប្រតិបត្តិការនេះ គឺជា «សមយុទ្ធប្រឆាំង» ដើម្បីឆ្លើយតបទៅនឹងសកម្មភាពយោធារួមគ្នាដោយកងកម្លាំងអាមេរិក និងកូរ៉េខាងត្បូង ដែលទីភ្នាក់ងារនេះបាននិយាយថា បានបង្កើនភាពតានតឹងនៅក្នុងតំបន់។

ដំណើរទស្សនកិច្ចរបស់លោក គីម ទៅកាន់ប្រទេសរុស្ស៊ី ដែលជាលើកទីមួយរបស់គាត់នៅបរទេស ចាប់តាំងពីជំងឺរាតត្បាតរាតត្បាត កូវីដ-១៩ បានធ្វើឱ្យមានការភ័យខ្លាចពីលោកខាងលិចថា «ទីក្រុងមូស្គូ និងទីក្រុងព្យុងយ៉ាងប្រឆាំងនឹងទណ្ឌកម្ម និងធ្វើកិច្ចព្រមព្រៀងក្នុងការដោះដូរអាវុធ»។ ទីក្រុងមូស្គូត្រូវបានគេជឿថាមានចំណាប់អារម្មណ៍ក្នុងការទិញគ្រាប់រំសេវរបស់កូរ៉េខាងជើង ដើម្បីបន្តការប្រយុទ្ធនៅអ៊ុយក្រែន ខណៈដែលទីក្រុងព្យុងយ៉ាងចង់បានជំនួយពីរុស្ស៊ីក្នុងការអភិវឌ្ឍកម្មវិធីមីស៊ីលដែលត្រូវបានថ្កោលទោសជាអន្តរជាតិ៕

23 November, 2024

Worlds

តុលាការឧក្រិដ្ឋកម្មអន្តរជាតិចេញដីកាចាប់ខ្លួនប្រធានាធិបតីរុស្ស៊ី ពីបទឧក្រិដ្ឋកម្មសង្គ្រាម

Mr Admin

23 November, 2024

អត្ថបទដែលទាក់ទង