ទុរេនជាផ្លែឈើមានជាតិស្ករ និងកាឡូរីខ្ពស់ដែលអាចបណ្ដាលឱ្យឈឺបំពង់ក ព្រមទាំងឡើងទម្ងន់បានយ៉ាងងាយផងដែរ។ ប៉ុន្តែបើទោះជាមានជាតិស្ករខ្ពស់យ៉ាងណា ក៏ពេលខ្លះយើងមិនអាចទប់ចិត្តមិនញ៉ាំបានដែរ។ ដូច្នេះថ្ងៃនេះយើងនឹងចែករំលែកប៉ុន្មានខាងក្រោមក្នុងការញ៉ាំទុរេនកុំឱ្យឡើងទម្ងន់ និងមានសុខភាពល្អ៖
១. យើងមិនគួរជ្រើសរើសទុរេនដែលទុំពេកនោះទេដោយសារវាមានជាតិស្ករខ្ពស់។
២. យើងមិនគួរញ៉ាំវាលើសពី ២ គ្រាប់ក្នុងមួយថ្ងៃ និងញឹកញាប់ឡើយព្រោះវាអាចបណ្ដាលឱ្យឈឺបំពង់ក ក្រហាយទ្រូង និងលើសទម្ងន់។
៣. យើងគួរជៀសវាងការញ៉ាំទុរេនជាមួយខ្ទិះដូងព្រោះជាតិស្ករក្នុងទុរេន អង្ករដំណើប និងជាតិខ្លាញ់ក្នុងខ្ទិះដូងអាចធ្វើឱ្យធាត់ និងក្ដៅក្នុងក្រពះផងដែរ។ ជាមួយគ្នានេះ យើងគួរកាត់បន្ថយអាហារមានជាតិម្សៅ ប្រសិនបើយើងញ៉ាំបង្អែមធ្វើពីផ្លែទុរេន។
៤. ដោយយោងតាមព័ត៌មានពីនាយកដ្ឋានឱសថបុរាណនៃប្រទេសថៃបានបង្ហាញយើងអាចញ៉ាំទុរេនជាមួយផ្លែមង្ឃុតបាន។ ដោយសារមង្ឃុតជាផ្លែឈើដែលមានធាតុត្រជាក់អាចជួយទប់ទល់នឹងកម្ដៅដែលបណ្ដាលមកពីការញ៉ាំទុរេន ហើយវាក៏មានជាតិសរសៃខ្ពស់ សារធាតុប្រឆាំងការរលាក បញ្ចុះកម្ដៅ និងមានជាតិទឹកខ្ពស់ផងដែរ។
៥. អ្វីដែលយើងចាំនោះគឺមិនត្រូវផឹកគ្រឿងស្រវឹង ទឹកដោះគោ កាហ្វេ និងភេសជ្ជៈផ្អែមក្រោយញ៉ាំទុរេនឡើយព្រោះវាអាចធ្វើឱ្យរាគ ក្អួត ឬឈានដល់ពុលតែម្ដង៕
សូមប្រុងប្រយ័ត្ន! ក្រសួងសុខាភិបាល បានរកឃើញអ្នកជំងឺផ្តាសាយបក្សី (H5N1) មួយករណីទៀត កើតលើបុរសវ័យចំណាស់ម្នាក់ នៅខេត្តសៀមរាប
ក្រសួងសុខាភិបាល ចេញសេចក្តីប្រកាសព័ត៌មាន ស្តីពីការរកឃើញករណីជំងឺអុតស្វាករណីទី៤
ពូកែម្ល៉ះ! ក្ទម្ពទេស ជាបន្លែឱសថដ៏ពិសេស បំប៉នក្រលៀន និងថ្លើម ការពារពីជំងឺមហារីក
ជួយខំមិនប្រាប់ផងបងប្អូន! តើការញ៊ាំប៉េងប៉ោះឆៅ និងឆ្អិនមួយណាល្អចំពោះសុខភាពជាង?
សូមជួយស៊ែរចែកគ្នាដឹង ! ដើមសាវម៉ៅព្រៃជាឱសថធម្មជាតិដ៏ពូកែខាងបញ្ចុះកំដៅ និងជំងឺស្ត្រីច្រើនមុខទៀត
