យោងតាមការចេញផ្សាយរបស់សារព័ត៌មាន CBS News ចេញផ្សាយ នាថ្ងៃចន្ទទី២៥ ខែវិច្ឆិកា ២០២៤ កាលពីម្សិលមិញនេះ ក្រុមហ៊ុន Starbucks បានបង្ហើបឲ្យដឹងថា ពេលនេះ Starbucks កំពុងតែរងនូវការវាយប្រហារ ពីមេរោគម្យ៉ាងនៃប្រភេទ Ransomware ដែលជាការរំខានក៏ដូចជារារាំងទៅលើប្រព័ន្ធរបស់ខ្លួននៅក្នុងការតាមដានម៉ោងរបស់ Baristas និងការគ្រប់គ្រងប្រាក់ខែទៅលើបុគ្គលិករបស់ពួកគេ។
ការវាយប្រហារពីប្រភេទមេរោគតាមអ៊ីនធឺណេតនេះ បានកើតឡើងកាលពីថ្ងៃទី ២១ ខែ វិច្ឆិកា ដោយពេលនេះ Starbucks បានជំនួសមកវិញដោយការដោះស្រាយ ឲ្យក្រុមហ៊ុនធ្វើការផលិតនូវកម្មវិធីគ្រប់គ្រងមួយ ដែលអាចឲ្យបុគ្គលិករបស់ខ្លួន អាចមើល និងគ្រប់គ្រងទៅលើកាលវិភាគរបស់ពួកគេ ក៏ដូចជាការជួយសម្រួលឲ្យក្រុមហ៊ុនអាចធ្វើការគណនាពីពេលវេលារបស់បុគ្គលិករបស់ពួកគេនៅកន្លែងការងារផងដែរ ដើម្បីជាការជួយសម្រួលទៅដល់ប្រព័ន្ធនៃការគ្រប់គ្រងកម្មវិធី ដែលកំពុងតែរងនូវការវាយប្រហារពីប្រភេទមេរោគ Ransomware ។
បើយោងទៅតាមក្រុមហ៊ុន Starbucks បានឲ្យដឹងថា Starbucks គឺជាក្រុមហ៊ុនមួយនៅក្នុងចំណោមក្រុមហ៊ុនមួយចំនួន ដែលរងនូវការវាយប្រហារដោយសារតែមេរោគនេះ។
ដោយពេលនេះផងដែរ Starbucks កំពុងតែធ្វើការសហការគ្នាជាមួយនឹងក្រុមហ៊ុន Blue Yonder ដើម្បីធ្វើការដោះស្រាយបញ្ហាដែលខ្លួនកំពុងតែកើតមាននេះ។
Starbucks ក៏បានបញ្ជាក់ដែរថា ខ្លួនកំពុងតែចាត់វិធានការ ដើម្បីជាការធានាថាបុគ្គលិករបស់ខ្លួនត្រូវបានផ្ដល់សំណងពេញលេញ សម្រាប់ពេលវេលារបស់ពួកគេដែលបានធ្វើការដោយមិនមាននូវការរំខានអ្វីមួយនោះទេ។
គួរបញ្ជាក់ថា ពេលនេះក្រុមហ៊ុន Blue Yonder កំពុងតែធ្វើការដោះស្រាយនូវបញ្ហាដែលកំពុងតែកើតមានចំពោះក្រុមហ៊ុន Starbucks នេះ ហើយក្រុមហ៊ុន Blue Yonder ក៏មិនបានធ្វើការបង្ហាញថានរណាដែលកំពុងតែនៅពីក្រោយ នៃការបង្កើតគម្រោងនៃប្រភេទមេរោគ Ransomware នេះដែរ។
មន្ត្រីជាន់ខ្ពស់ក្រសួងយុត្តិធម៌៖ «ជាមធ្យមក្នុង១ឆ្នាំ ព្រះរាជអាជ្ញាម្នាក់ ចាត់ការសំណុំរឿងបាន ចំនួន ២០៨ សំណុំរឿង ខណៈចៅក្រមម្នាក់ ចាត់ការសំណុំរឿងបាន ចំនួន ២៨៤ សំណុំរឿង ក្នុង១ឆ្នាំ»
ជនជាតិវៀតណាម ចំនួន ១៤ នាក់ នៅកាន់ប្រទេសកំណើតពួកវិញ ពាក់ព័ន្ធបទល្មើសកាន់កាប់អាវុធគ្មានការអនុញ្ញាត ប្រើប្រាស់សារធាតុញៀន ស្នាក់នៅ និងធ្វើការដោយខុសច្បាប់
