កណ្ដាល៖    នៅថ្ងៃទី០៤ ខែមេសា ឆ្នាំ២០២៥ នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានបង្ហោះសារនៅលើទំព័រហ្វេសបុកផ្លូវការរបស់សម្ដេចថា៖ “ទិដ្ឋភាពការរៀបចំតុបតែងលម្អ ត្រៀមលក្ខណៈ ស្វាគមន៍សង្ក្រាន្តឆ្នាំថ្មី របស់រដ្ឋបាលខេត្តកណ្ដាល ដើម្បីត្រៀមទទួលលោកតាលោកយាយ អ៊ំពូមីង បងប្អូនប្រជាពលរដ្ឋ ចូលរួមលេងកម្សាន្ត ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ” ។

ដើម្បីត្រៀមអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នាពេលខាងមុខ រដ្ឋបាលខេត្តកណ្ដាល បាននិងកំពុងមមាញឹកក្នុងការរៀបចំតុបតែងលម្អទីសាធារណៈ និងមូលដ្ឋានរបស់ខ្លួនឱ្យកាន់តែស្រស់ស្អាត ដើម្បីទទួលស្វាគមន៍ភ្ញៀវទេសចរ និងប្រជាពលរដ្ឋចូលរួមកម្សាន្តសប្បាយរីករាយ។

ជាមួយគ្នានេះ ក្រុមហ៊ុន វឌ្ឍនៈ ប្រ៊ូវើរី គឺជាផ្នែកមួយយ៉ាងសំខាន់ បានចូលរួមចំណែកជាមួយរាជរដ្ឋាភិបាល ក្នុងការរៀបចំតុបតែងលំអរសោភ័ណ្ឌភាពនៅតាមបណ្ដារាជធានី-ខេត្ត ទូទាំងព្រះរាជាណាចក្រកម្ពុជា។ ក្រុមហ៊ុន វឌ្ឍនៈ ប្រ៊ូវើរី បានសហការជាមួយរដ្ឋបាលខេត្តកណ្ដាល រៀបចំតុបតែងលម្អដោយភ្លើងពណ៌ចម្រុះរាប់ពាន់ខ្សែ ផ្កាភ្ញីស្រស់បំព្រង ចងទង់ជាតិព្រះរាជាណាចក្រកម្ពុជាយ៉ាងត្រដែតត្រដឹម ព្រមទាំងមានបដា វឌ្ឍនៈ ពាក្យស្លោកស្វាគមន៍ និងគ្រឿងលម្អផ្សេងៗជាច្រើនទៀត ដែលបានរចនាឡើងយ៉ាងប៉ិនប្រសប់ និងប្រកបដោយសោភ័ណភាពគួរជាទីចាប់ចិត្ត។

វឌ្ឍនៈ ប្រ៊ូវើរី ក្រោមពាក្យស្លោក “ស្មារតីខ្មែរតែមួយ” បានបន្តឆន្ទៈរបស់ខ្លួន សហការជាមួយគ្រប់បណ្ដារាជធានី-ខេត្ត តុបតែងលម្អលម្អត្រៀមលក្ខណៈស្វាគមន៍សង្ក្រាន្តឆ្នាំថ្មី ដើម្បីត្រៀម ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ។ វឌ្ឍនៈ ប្រ៊ូវើរី “និយាយតិចធ្វើច្រើន” ក្រៅពីសហការជាមួយរដ្ឋាភិបាលតុបតែងលំអរសង្ក្រានឆ្នាំថ្មី ក៏បានរៀបចំព្រឹត្តិការណ៍ប្រដាល់គុនខ្មែរ ទាំងក្នុងប្រទេស នៅក្រៅប្រទេស (ទឹកដីប្រទេសមហាអំណាចសហរដ្ឋអាមេរិក) ព្រមទាំងការប្រគំតន្ត្រីខ្នាតយក្ស ជាមួយវត្តមានចូលរួមដោយតារាចម្រៀងល្បីៗ និងកំពូលអ្នកប្រដាល់ជាតិ និងអន្តរជាតិមកពីគ្រប់ទិសទី ផ្ដល់ជូនភាពសប្បាយរីករាយនាពេលរាត្រី រយៈពេល៣ថ្ងៃពេញ នាឧកាសថ្ងៃបុណ្យចូលឆ្នាំថ្មីប្រពៃណីជាតិខ្មែរ ផងដែរ..៕