ខេត្តបាត់ដំបង៖ លោកឧត្តមសេនីយ៍ទោ សាត គឹមសាន ស្នងការនៃ ស្នងការដ្ឋាននគរបាលខេត្តបាត់ដំបង បានឱ្យដឹងថា ជនត្រូវចោទម្នាក់ ពាក់ពន្ធ័ករណីគ្រឿងញៀនខុសច្បាប់ ត្រូវបានកម្លាំងនគរបាលជំនាញស្រុកមោងឫស្សី ចុះអនុវត្តតាមដីកាបង្គាប់ឱ្យចាប់ខ្លួន យកមកសាកសួរ ដើម្បីចាត់ការតាមច្បាប់។
បើតាមការបញ្ជាក់ពីលោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានឱ្យដឹងនៅព្រឹកថ្ងៃទី២៩ ខែវិច្ឆិកា ឆ្នាំ២០២៣នេះថា ការឃាត់ខ្លួននេះបានធ្វើឡើងកាលពីថ្ងៃទី២៨ ខែវិច្ឆិកាម្សិលមិញនេះ ស្ថិតនៅចំណុចផ្ទះសំណាក់មួយកន្លែងស្ថិតក្នុងក្រុមទី០៤ ភូមិកន្សៃបន្ទាយ ឃុំមោង ស្រុកមោងឫស្សី ខេត្តបាត់ដំបង។
លោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានឱ្យដឹងទៀតថា លោកបានដឹកនាំកម្លាំងផ្នែកជំនាញ នៃអធិការដ្ឋាននគរបាលស្រុក ចុះអនុវត្តដីកាបង្គាប់ឱ្យចាប់ខ្លួនលេខ ៧៣៧ត.ព្រ ចុះថ្ងៃទី០៥ ខែតុ លា ឆ្នាំ២០២៣ របស់លោក គី ទីម៉េង ចៅក្រមស៊ើបសួរ នៃសាលាដំបូងខេត្តបាត់ដំបង០១ ករណី ដែលក្នុងកិច្ចប្រតិបត្តិការនេះចាប់ខ្លួនជនត្រូវចោទម្នាក់ឈ្មោះ ម៉ាត់ រ៉សហ្វី ហៅបារាំង ភេទប្រុស អាយុ២៦ឆ្នាំ មានទីលំនៅភមិពោធិ៍២ ឃុំគារ ស្រុកមោងឫស្សី ខេត្តបាត់ដំបង ពីបទជួញដូរដោយខុសច្បាប់នូវសារធាតុញៀន ប្រព្រឹត្តនៅខេត្តបាត់ដំបង កាលអុំឡុង ឆ្នាំ២០២៣។
បច្ចុប្បន្នជនសង្ស័យត្រូវចោទបានបញ្ជូន មកការិ យាល័យជំនាញខេត្តដើម្បីអនុវត្តតាមនីតិវិធី៕
តម្លៃលក់រាយប្រេងឥន្ធនៈនៅតាមស្ថានីយទូទាំងប្រទេសកម្ពុជា ប្រេងសាំងធម្មតា និងប្រេងម៉ាស៊ូត ឡើងថ្លៃ៥០រៀល
