ភ្នំពេញ៖ ក្រសួងការបរទេស និងសហប្រតិបត្តិការអន្តរជាតិនៃកម្ពុជា បានធ្វើការតវ៉ាយ៉ាងខ្លាំង ប្រឆាំងនឹងសកម្ម​ភាពខុសច្បាប់បន្តបន្ទាប់របស់កងកម្លាំងប្រដាប់អាវុធថៃ នៅតំបន់ខេត្តបន្ទាយមានជ័យ ដែលថៃបានកាន់កាប់។ នេះបើយោងតាមសេចក្តីប្រកាសព័ត៌មានរបស់ក្រសួងការបរទេស ចេញនៅយប់ថ្ងៃទី១១ ខែកុម្ភៈ ឆ្នាំ២០២៦នេះ។

ការតវ៉ានេះត្រូវបានចេញក្រោយមានរបាយការណ៍ពីអាជ្ញាធរមូលដ្ឋានថា «ហេដ្ឋារចនាសម្ព័ន្ធស៊ីវិល និងអគាររដ្ឋបាលបានបំផ្លាញដោយយោធាថៃ» នៅតំបន់បឹងត្រកួន (ចន្លោះបង្គោលព្រំដែនលេខ ៣៣ និង ៣៦) ក្នុងស្រុកថ្មពួក និងនៅភូមិជោគជ័យ ឃុំអូរបីជាន់ ស្រុកអូរជ្រៅ (ចន្លោះបង្គោលព្រំដែនលេខ ៤៦ និង ៤៧) មានការជីកប្រឡាយ និងសាងសង់ផ្លូវ ខ្សែបន្ទាត់ថ្មី និងការចាក់ដីលុបស្រះទឹក ជាដើម។

សកម្មភាពទាំងនេះ ដែលបានផ្លាស់ប្តូរភូមិសាស្ត្រតំបន់ គឺជាការបង្ហាញយ៉ាងច្បាស់នៃការបង្កើតភាពស្របច្បាប់លើការកាន់កាប់ទឹកដីកម្ពុជាដោយខុសច្បាប់។ ទង្វើនេះលំអៀងចំពោះធម្មនុញ្ញអង្គការសហប្រជាជាតិ, ធម្មនុញ្ញអាស៊ាន និងចំណុចទី១ នៃសេចក្តីប្រកាសរួម កិច្ចប្រជុំពិសេសលើកទី៣ (ថ្ងៃទី ២៧ ខែធ្នូ ២០២៥) ស្តីពីវិធានការបន្ធូរបន្ថយភាពតានតឹង។ ក៏ដូចជាកំណត់ហេតុនៃកិច្ចប្រជុំពិសេស គណៈកម្មការព្រំដែនចម្រុះ កម្ពុជា-ថៃ ថ្ងៃទី ២២ ខែតុលា ២០២៥។

រាជរដ្ឋាភិបាលកម្ពុជា សូមបញ្ជាក់ថា ការដោះស្រាយជម្លោះព្រំដែនទាំងអស់ ត្រូវបានអនុវត្តដោយសន្តិវិធី និងតាមមិត្តភាពជាមួយថៃ និងប្រទេសជិតខាងទាំងអស់ ដោយស្របតាមច្បាប់អន្តរជាតិ។ ជាពិសេស កម្ពុជា តែងស្តាប់ និងថែរក្សាគោលការណ៍ថា ព្រំដែនមិនត្រូវបានផ្លាស់ប្តូរដោយកម្លាំងឡើយ៕