សៀមរាប៖ គម្រោងកែលម្អដងស្ទឹងសៀមរាប ជំហាន២ បានទទួលការគាំទ្រ និងថវិកាពីហិរញ្ញប្បទាន រដ្ឋាភិបាលនៃសាធារណរដ្ឋកូរ៉េ តាមរយៈមូលនិធិ សហប្រតិបត្តិ ការអភិវឌ្ឍន៍សេដ្ឋកិច្ច (EDCF)– Korea Eximbank គិតត្រឹមពាក់កណ្តាលខែមីនា ឆ្នាំ២០២៥ នេះ សម្រេចបាន ៩០ភាគរយហើយ។
គម្រោងនេះចាប់បើកការដ្ឋាននៅថ្ងៃទី១៦ ខែឧសភា ឆ្នាំ២០២២ ដែលគ្រោងនឹងបញ្ចប់នៅថ្ងៃទី០១ ខែកក្កដា ឆ្នាំ២០២៥ ខាងមុខនេះ ហើយបច្ចុប្បន្នគម្រោងកែលម្អស្ទឹងសៀមរាប ជំហាន២ សម្រេចបាន ៩៧% ដោយគ្រោងបញ្ចប់តាមការគ្រោងទុក។
ក្រុមមន្ត្រីបច្ចេកទេស បានបញ្ជាក់ថា ការងារស្តារស្ទឹងសម្រេចបាន ១០០% ការងារស្ថាបនាជើងទេ សម្រេចបាន ៩៨% ការងារស្ថាបនាទំនប់ទឹក (Weir) សម្រេចបាន ១០០% ការងារស្ថាបនាស្ពានបេតុង ៣កន្លែង សម្រេចបាន ៩៧% និងការងារស្ថាបនាផ្លូវបេតុង សម្រេចបាន ៩៩%។
សូមបញ្ជាក់ថា លោក លី សារី អភិបាលរង ខេត្តសៀមរាប នៅថ្ងៃទី២១ ខែមីនា ឆ្នាំ២០២៥  បានដឹកនាំកិច្ចប្រជុំត្រួតពិនិត្យវឌ្ឍនភាពគម្រោងកែលម្អស្ទឹងសៀមរាប ជំហាន២ ចាប់ពីស្ពានក្រវាត់ក្រុង រហូតដល់ចុងស្រុក ដោយមានចូលរួមពីមន្ទីរ អង្គភាព ពាក់ព័ន្ធ និងមន្ត្រីជំនាញជារូបផងដែរ៕