ថៃ៖ លោក Rangsiman Rome បង្ហាញពីការភ្ញាក់ផ្អើល ខណៈដែលនាយករដ្ឋមន្ត្រីថៃថ្មី រក្សាភាពស្ងៀមស្ងាត់ក្នុងការដោះស្រាយបញ្ហាក្រុមក្មេងទំនើង Call Center។ លោកបញ្ជាក់ថា ការមិនចាត់វិធានការគឺដូចជាការធ្វេសប្រហែសកាតព្វកិច្ចរបស់ខ្លួន។

តាមការចេញផ្សាយពីសារព័ត៌មានស្រុកថៃ បានឲ្យដឹងថា នៅថ្ងៃទី៦ តុលា នេះ លោក Rangsiman Rome សមាជិកសភាគណបក្ស និងជាអនុប្រធានគណបក្ស Prachachon ក្នុងតួនាទីជាប្រធានគណៈកម្មាធិការសន្តិសុខរដ្ឋ កិច្ចការព្រំដែនថៃ យុទ្ធសាស្ត្រជាតិ និងកំណែទម្រង់ជាតិ សភាតំណាង បានផ្តល់បទសម្ភាសអំពីការបង្រ្កាបរបស់រដ្ឋាភិបាលលើក្រុមក្មេងទំនើង Call Center ថា លោកភ្ញាក់ផ្អើលជាពន់ពេក ដែលគណបក្ស Bhumjaithai ជាគណបក្សសំខាន់ និងនាយករដ្ឋមន្ត្រី Anutin Charnvirakul ហាក់ស្ងប់ស្ងាត់ខ្លាំងចំពោះបញ្ហានេះ។ 

សមាជិកសភាគណបក្សខាងលើ លើកជាសំណួរទៅកាន់ លោក អានុទីន ថា អ្នកក៏ជារដ្ឋមន្ត្រីក្រសួងមហាផ្ទៃដែរ។ តើអ្នកបានស៊ើបអង្កេតថាតើអគ្គិសនី និងអ៊ីនធឺណិតស្ថិតនៅក្រោមអំណាចរបស់អ្នកដែរឬទេ? តើក្រសួងមហាផ្ទៃរីកចម្រើនដល់កម្រិតណា?

លោក Ransiman បន្ថែមថា អ្វីដែលលោកចង់ឃើញ គឺផ្តោតទៅលើការបំផ្លាញរចនាសម្ព័ន្ធឧក្រិដ្ឋកម្ម។ 

ដរាបណាឧក្រិដ្ឋកម្មរៀបចំ និងឧក្រិដ្ឋកម្មឆ្លងដែនមិនត្រូវបានបំផ្លាញ វាមិនអាចទៅរួចទេក្នុងការបង្ក្រាបក្រុមជនខិលខូចទាំងស្រុង។ នេះជាដុំកំភួនដែលថៃខ្វះ។ 

គួរបញ្ជាក់ឲ្យដឹងថា ឧត្តមសេនីយ៍ ម៉ុង ជិតធូ មេបញ្ជាការកងឆ្មាំព្រំដែនថៃ (BGF) ត្រូវបានជាប់ក្នុងបញ្ជីដាក់ទណ្ឌកម្មដោយសហរដ្ឋអាមេរិក ព្រោះតែការជាប់ពាក់ព័ន្ធក្នុងក្រុមទំនើង Call Center។

ហេតុដូចនេះហើយបានជា អនុប្រធានគណបក្ស Prachachon បានលើកឡើងពីកង្វះខាតរបស់នាយករដ្ឋមន្ត្រីថៃថ្មីថា "ខ្ញុំចង់ឱ្យរដ្ឋាភិបាលរបស់លោក Anutin ចាត់វិធានការឱ្យបានហ្មត់ចត់ បើមិនដូច្នេះទេ វានឹងមានន័យស្មើនឹងការធ្វេសប្រហែសភារកិច្ចរបស់ខ្លួន។ 

អ្នកអាចក្លាយជានាយករដ្ឋមន្ត្រីថ្មី ប៉ុន្តែអ្នកពីមុនក៏ជារដ្ឋមន្ត្រីក្រសួងមហាផ្ទៃដែរ។ ដូច្នេះអ្នកដឹងពីភាពធ្ងន់ធ្ងរនៃក្រុមជនខិលខូច Call Center រួចហើយ៕"