សហរដ្ឋអាមេរិក:   តាមកាមការចេញផ្សាយដោយសារព័ត៌មាន Aljazeera ចុះផ្សាយនៅថ្ងៃទី០៤ កុម្ភៈ ២០២៥ នេះថា  លោក Bernie Sanders សមាជិកព្រឹទ្ធសភាអាមេរិកឯករាជ្យ បានចេញការអំពាវនាវឱ្យអ្នកគាំទ្ររបស់គាត់ "ក្រោកឈរឡើង ហើយតស៊ូឡើងវិញ" ប្រឆាំងនឹងការកើនឡើងនៃ "របបនយោបាយ ផ្តាច់ការ " ដែលជា "រដ្ឋរបស់អាមេរិកនាពេលបច្ចុប្បន្ននេះ" ដឹកនាំដោយរដ្ឋបាលលោកត្រាំ ។

នៅក្នុងបទសម្ភាសន៍ជាមួយប្រព័ន្ធផ្សព្វផ្សាយទូរទស្សន៍អាមេរិក និងនៅក្នុងការបង្ហោះនៅលើប្រព័ន្ធផ្សព្វផ្សាយសង្គម លោក Sanders បាននិយាយថា សេដ្ឋកិច្ចរបស់សហរដ្ឋអាមេរិកត្រូវតែដំណើរការសម្រាប់មនុស្សគ្រប់គ្នា “មិនមែនសម្រាប់តែលោក Elon Musk នោះទេ”។

លោក Sanders បានបន្តថាសហរដ្ឋអាមេរិកកំពុងឆ្លងកាត់ "ពេលវេលាដ៏លំបាក" ហើយថាលទ្ធិប្រជាធិបតេយ្យរបស់សហរដ្ឋអាមេរិកត្រូវតែរក្សាឲ្យបាន " ពេលវេលាដែលមិនធ្លាប់មានពីមុនមកក្នុងប្រវត្តិសាស្ត្រអាមេរិក" ។