ការសន្ទនាដាច់ដោយឡែកពីគ្នាជាមួយនាយករដ្ឋមន្ត្រី និងកាណាដា និងប្រធានធិបតីម៉ិចស៊ិច លោក ដូណា ត្រាំ បានឯកភាពគ្នាផ្អាកផែនការដំឡើងពន្ធរយៈពេល ៣០ថ្ងៃ។
 
ក៏ប៉ុន្តែរាល់មុខទំនិញដែលនាំចូលពីប្រទេសចិន គឺចាប់ចូលធរមាននៅថ្ងៃអង្គារនេះ។ 

លោក ត្រាំ បាននិយាយថា៖ «ខ្ញុំទើបតែបាននិយាយជាមួយប្រធានាធិបតី Claudia Sheinbaum នៃប្រទេសម៉ិកស៊ិក។ វាគឺជាការសន្ទនាប្រកបដោយភាពរួសរាយរាក់ទាក់ ដែលលោកស្រីប្រធានាធិបតី បានយល់ព្រមភ្លាមៗក្នុងការផ្គត់ផ្គង់ទាហានម៉ិកស៊ិក ១០.០០០នាក់ នៅតាមព្រំដែន ដែលម៉ិកស៊ិក និងសហរដ្ឋអាមេរិក។ 

ដោយទាហានទាំងនេះ នឹងត្រូវបានកំណត់ជាពិសេស ដើម្បីបញ្ឈប់លំហូរនៃសារធាតុ fentanyl និងជនចំណាកស្រុកខុសច្បាប់ចូលទៅក្នុងសហរដ្ឋអាមេរិក»។ 

លោក ត្រាំ បញ្ជាក់ថា៖ «យើងបានយល់ព្រមជាបន្ថែមទៀត ដើម្បីផ្អាកភ្លាមៗនូវពន្ធដែលបានរំពឹងទុកសម្រាប់រយៈពេលមួយខែ ក្នុងអំឡុងពេលដែលយើងនឹងមានការចរចា ដែលដឹកនាំដោយរដ្ឋលេខាធិការ Marco Rubio រដ្ឋលេខាធិការ Scott Bessent និងរដ្ឋមន្ត្រីក្រសួងរតនាគារ Howard Lutnick និងតំណាងជាន់ខ្ពស់នៃម៉ិកស៊ិក»។

លោក Justin Trudeau នាយករដ្ឋមន្ត្រីកាណាដាបានបង្ហោះនៅលើ X ថា៖ «ជាថ្នូរនឹងការផ្អាកពន្ធគយកាណាដានឹងរឹតបន្តឹងលើបញ្ហាសន្តិសុខនៅតាមព្រំដែនដោយបង្កើតកងកម្លាំងវាយឆ្មក់រួមគ្នាកាណាដា-សហរដ្ឋអាមេរិក ដើម្បីប្រយុទ្ធប្រឆាំងនឹងឧក្រិដ្ឋកម្មឆ្លងដែនគ្រឿងញៀន fentanyl និងការលាងលុយកខ្វក់ និងចាត់ទុកក្រុម Fentanyl Czar ក្នុងបញ្ជីក្រុមភេរវករ»៕