កាលពីថ្ងៃទី ២៨ ខែ មីនា ឆ្នាំ២០២៥ ម្សិលមិញនេះ មានគ្រោះរញ្ជួយដីបានកើតឡើងដែលមានកម្រិតរហូតទៅដល់ ៧.៧ រ៉ិចទ័រឯណោះ។ មិនតែប៉ុណ្ណោះ គ្រោះរញ្ជួយដីនេះកំពុងតែបានលេបត្របាក់នូវអគារធំៗ និងខ្ពស់ៗជាច្រើន ពិសេសនោះគឺនៅប្រទេសមីយ៉ាន់ម៉ា និងប្រទេសថៃតែម្ដង។ 

គ្រោះធម្មជាតិនេះមិនត្រឹមតែបានបំផ្លាញហេដ្ឋារចនាសម្ព័ន្ធជាច្រើនឲ្យខ្ទេចខ្ទីនោះទេ ក៏ប៉ុន្តែក្នុងនោះវាក៏បានកំពុងតែបណ្ដាលឲ្យមនុស្សជាច្រើនបានបាត់បង់ជីវិត រងរបួស ក៏ដូចជាជាប់ឃុំនិងបាត់ខ្លួននៅក្នុងអគារដែលបានដួលរលំមួយចំនួនទៀតផងដែរ។

ហើយទាំងនេះ គឺជាវិធីសាស្រ្តមួយចំនួនដែលបងប្អូនអាចអនុវត្តបានសម្រាប់ការពារខ្លួនឯងនាអំឡុងពេលមានគ្រោះរញ្ជួយដីបានកើតឡើង៖

១. ទម្លាក់ គ្រប និងសង្កត់លើ៖

• ទម្លាក់ដៃ និងជង្គង់របស់អ្នកទៅក្រោម ដើម្បីការពារកុំឱ្យដួល។
• គ្របក្បាល និងករបស់អ្នកដោយដៃរបស់អ្នក ហើយប្រសិនបើអាចធ្វើបាន សូមជ្រកនៅក្រោមតុ ឬតុដ៏រឹងមាំមួយ។
• ជ្រកឲ្យស្ងៀមនៅកន្លែងសុវត្ថិភាព ហើយស្នាក់នៅទីនោះរហូតដល់ការញ័រឈប់។
២. ប្រសិនបើនៅក្នុងផ្ទះ៖

• ស្នាក់នៅខាងក្នុង។ កុំរត់ទៅខាងក្រៅកំឡុងពេលញ័រ ព្រោះកំទេចកំទីដែលធ្លាក់អាចបង្កគ្រោះថ្នាក់ដល់អ្នក។
• នៅឱ្យឆ្ងាយពីបង្អួច កញ្ចក់ និងអ្វីៗដែលអាចបំបែកបាន។
• ជៀសវាងទៅច្រកទ្វារ លុះត្រាតែអ្នកនៅជិត ហើយវាមានសុវត្ថិភាព។
៣. ប្រសិនបើនៅខាងក្រៅ៖
• ផ្លាស់ទីទៅកន្លែងបើកចំហឆ្ងាយពីអគារ ដើមឈើ ភ្លើងតាមដងផ្លូវ និងខ្សែភ្លើង ដើម្បីជៀសវាងការធ្លាក់នៃកំទេចកំទី។
 
៤. ប្រសិនបើនៅក្នុងយានជំនិះ៖

• ចតនៅកន្លែងដែលមានសុវត្ថិភាព ឆ្ងាយពីផ្លូវឆ្លងកាត់ ស្ពាន ដើមឈើ និងបង្គោលខ្សែភ្លើង។
• ស្ថិតនៅក្នុងរថយន្ត ហើយរក្សាខ្សែក្រវ៉ាត់សុវត្ថិភាពរបស់អ្នករហូតដល់ការញ័រឈប់។
៥.បន្ទាប់ពីការរញ្ជួយដី៖
• ពិនិត្យមើលអ្វីដែលអាចមានគ្រោះថ្នាក់ ដូចជាការលេចធ្លាយឧស្ម័ន អគ្គីភ័យ និងការខូចខាតរចនាសម្ព័ន្ធ។
• ប្រុងប្រយ័ត្នចំពោះគ្រោះរញ្ជួយដី ដែលមកបន្ទាប់ៗទៀត (aftershocks)។
• អនុវត្តតាមការណែនាំអំពីគ្រាអាសន្នក្នុងតំបន់ និងជម្លៀសចេញប្រសិនបើចាំបាច់។

ការរក្សាភាពស្ងប់ស្ងាត់ និងការមានផែនការសង្គ្រោះបន្ទាន់អាចធ្វើឱ្យមានភាពខុសប្លែកគ្នាយ៉ាងខ្លាំងក្នុងការរក្សាសុវត្ថិភាពក្នុងអំឡុងពេលរញ្ជួយដី។

យ៉ាងណាមិញ ចំពោះគ្រោះរញ្ជួយដីនេះមិនមែនកើតមានត្រឹមតែនៅមីយ៉ាន់ម៉ា និងថៃនោះទេ ប៉ុន្តែសូម្បីតែនៅកម្ពុជាយើង ក្នុងតំបន់ខ្លះក៏បានជួបប្រទះនូវគ្រោះធម្មជាតិនេះផងដែរ គ្រាន់តែកម្ពុជាយើងមិនសូវមានការខូចខាតខ្លាំងដូចជាថៃ និងមីយ៉ាន់ម៉ាប៉ុណ្ណោះ។