ភ្នំពេញ៖ អធិការ​ដ្ឋាន​នគរបាល​ខណ្ឌ​ទួលគោក​ នៅថ្ងៃទី​៣១​ ខែមីនា​ ឆ្នាំ​២០២៥នេះ​ បានឱ្យដឹងថា​ ក្រោយឃើញការចែកចាយព័ត៌មាននេះលើបណ្តាញសង្គម ពាក់ព័ន្ធ​ករណី​រថយន្តមួយគ្រឿងម៉ាក Nissan Navara ពណ៌លឿងទុំ ពាក់ផ្លាកលេខ ភ្នំពេញ 2AB-0597 បានបំពាក់ភ្លើងហ្វា កែច្នៃខុសលក្ខណៈបច្ចេកទេស ធ្វើឱ្យប៉ះពាល់ដល់ការដំណើរអ្នកដទៃជាខ្លាំង។​ 

ភ្លាមៗ​លោកវរសេនីយ៍ឯក ស៊ឹម ពិសិដ្ឋ អធិការនគរបាលខណ្ឌទួលគោក បានបញ្ជាឱ្យជំនាញស្រាវជ្រាវរករថយន្តនេះ​ ទីបំផុតទៅរថយន្តត្រូវបានរកឃើញ។ 

សូមជម្រាបជូនថា​ កម្លាំងប៉ុស្តិ៍នគរបាលរដ្ឋបាលផ្សារដេប៉ូទី៣ នៅថ្ងៃទី២៩ ខែមីនា ឆ្នាំ២០២៥ បានចុះទៅជួបផ្ទះម្ចាស់រថយន្ត ស្ថិតនៅផ្លូវលេខ១១០ ភូមិ០២ សង្កាត់ផ្សារដេប៉ូទី៣ ខណ្ឌទួលគោក ព្រមទាំងណែនាំឱ្យម្វាស់រថយន្តដោះចេញដោយខ្លួនឯង និងធ្វើកិច្ចសន្យាបញ្ឈប់បំពាក់ភ្លើងហ្វា កែច្នៃខុសលក្ខណៈបច្ចេកទេសដោយខុសច្បាប់បន្តទៀត៕