(ក្រុងព្រះសីហនុ) ៖   កាលពីថ្ងៃទី៨ ខែធ្នូ ឆ្នាំ២០២៣នេះ  ក្រោមអធីបតីភាព ឯកឧត្តម គួច ចំរើន អភិបាលខេត្តព្រះសីហនុ និងឯកឧត្តម ចាវ ហៃយៀន ( Zhao Hai Yan) អនុប្រធានបេសកកម្មស្ថានទូតចិនប្រចាំកម្ពុជា អញ្ជើញសម្ពោធដាក់ឱ្យប្រើប្រាស់អគារសិក្សាសាលា រៀនខ្មែរ-ចិន កាងហួរ ក្រុងព្រះសីហនុ និងមានការចូលរួមពីសំណាក់លោក កុយសូត្រ ហៅហេងឡាង ប្រធានសមាគមខ្មែរចិនស្រែជារោងវែងក្នុង ស្រុកដងទង់ និងស្រុកកំពង់ត្រាច ខេត្តពត)បានដឹកនាំគណៈកម្មការអញ្ជើញទៅចូលរួមពីសំណាក់ឯកឧត្តម លោកជុំទាវ អភិបាលរងខេត្ត អភិបាលក្រុង និងប្រធានមន្ទីរ អង្គភាពជុំវិញខេត្ត អ្នកឧកញ៉ាប្រធានសមាគមសម្ព័ន្ធខ្មែរ-ចិន និងភ្ញៀវកិត្តិយសជាច្រើន។
    ឯកឧត្តម ចាវ ហៃយៀន ( Zhao Hai Yan) បានមានប្រសាសន៍ថា ក្នុងការខិតខំប្រឹងប្រែងរបស់សមាគមសម្ព័ន្ធខ្មែរ-ចិននៅកម្ពុជា បានផ្តល់ការអប់រំភាសាចិននៅកម្ពុជាមានភាពរីកចម្រើន និងបានបណ្តុះបណ្តាលធនធានមនុស្សផ្នែកភាសាចិន និងភាសាខ្មែរ រួមចំណែកយ៉ាងធំធេងក្នុងការអភិវឌ្ឍន៍សេដ្ឋកិច្ចសង្គមនៅកម្ពុជា និងទំនាក់ទំនងចំណងមិត្តភាពរវាងចិន-កម្ពុជា។
   ឯកឧត្តមបានលើកឡើងថាក្នុងរយៈពេលជិត ៣០ឆ្នាំ ក្រោយពីបង្កើតសាលារៀនកាង ហួរ លោកគ្រូ អ្នកគ្រូបានខិតខំប្រឹងប្រែងក្នុងការបណ្ដុះបណ្ដាលសិស្សានុសិស្ស ការអភិវឌ្ឍន៍ខ្លួនគួរឱ្យកត់សម្គាល់ផងដែរ។

  ពិធីសម្ភោធអគារដាក់ឱ្យប្រើប្រាស់នូវមានអគារសិក្សាថ្មីជាផ្លូវការ គឺជាព្រឹត្តិការណ៍សមិទ្ធផលដ៏សំខាន់ថ្មីមួយទៀតក្នុងដំណើរអភិវឌ្ឍន៍សាលារៀន កាងហួរ ឯកឧត្តមនិងសង្ឃឹមថា សាលារៀនចាប់យកឱកាសអភិវឌ្ឍន៍ខ្លួនឱ្យកាន់តែរីកចម្រើនបន្ថែមមួយកម្រិតទៀត ប្រទេសចិន-និងកម្ពុជា គឺជាអ្នកជិតខាងដែលមានចំណងមិត្តភាព ប្រវត្តិប្រពៃណីយូរអង្វែងថ្ងៃអនាគត។
   ឆ្នាំ២០២៣នេះជាខួបអនុស្សាវរីយ៍លើកទី៦៥ នៃការបង្កើតទំនាក់ទំនងការទូតរវាងចិន និងកម្ពុជា និងជាឆ្នាំនៃមិត្តភាពរវាងថ្នាក់ដឹកនាំ នៃប្រទេសទាំងពីរ ការខិតខំអភិវឌ្ឍន៍វិស័យអប់រំភាសាចិននៅក្នុងប្រទេសកម្ពុជា ឱ្យមានគុណភាពកម្រិតខ្ពស់ និងស្តង់ដារខ្ពស់ក្នុងយុគសម័យថ្មី។ 
   ក្នុងឱកាសនោះដែរឯកឧត្តម គួច ចំរើន អភិបាលខេត្តព្រះសីហនុ បានថ្លែងបើកដាក់ឱ្យដំណើរការអគាសិក្សាថ្មីដោយបានគូសបញ្ជាក់ថា សាលារៀនខ្មែរ-ចិន កាងហួរ បាននឹងកំពុងបំពេញតួនាទីយ៉ាងសំខាន់មួយក្នុងការចូលរួមចំណែកលើកកម្ពស់ការអភិវឌ្ឍធនធានមនុស្សនៅកម្ពុជា ជាពិសេសការអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណងសំដៅជំរុញកំណើនសេដ្ឋកិច្ចកម្ពុជាឈានឆ្ពោះទៅសម្រេចគោលដៅក្លាយជាប្រទេសមានចំណូលមធ្យមកំរិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់ក្នុងឆ្នាំ២០៥០។

  សាលារៀនខ្មែរ-ចិន កាងហួរ បានបង្កើតឡើងឆ្នាំ១៩៦៣ ផ្អាកដំណើរការនៅឆ្នាំ១៩៧០ និងដំណើរការឡើង វិញនៅឆ្នាំ១៩៩៥ បានបណ្តុះបណ្តាលចំណេះដឹងទូទៅចាប់ពីថ្នាក់មត្តេយ្យដល់វិទ្យាល័យ ថ្នាក់រៀនភាសាចិន ភាសាអង់គ្លេស និងថ្នាក់រៀនភាសាខ្មែរសម្រាប់មនុស្សពេញវ័យ។
    សាលាផ្ដល់សេវាកម្មអប់រំសម្រាប់បំពេញតម្រូវការនៃធនធានមនុស្សនៅមូលដ្ឋាន ដើម្បីឆ្លើយតបទៅនឹងគោលនយោបាយ រៀនពេញមួយជីវិត របស់រាជរដ្ឋាភិបាលកម្ពុជា។
   ការផ្តល់សេវាអប់រំ និងបណ្ដុះបណ្តាលធនធានមនុស្សប្រកបដោយគុណភាព ពិសេសការផលិតធនធានមនុស្សឪ្យមានសមត្ថភាពក្នុងការចូលរួមចំណែកកាត់បន្ថយភាពក្រីក្រ ការអភិវឌ្ឍសេដ្ឋកិច្ចគ្រួសារ និងសេដ្ឋកិច្ចជាតិ។
   ឯកឧត្តម គួច ចំរើន អភិបាលខេត្តព្រះសីហនុបានបន្តថា សាលាត្រូវបន្តពង្រឹងប្រព័ន្ធគុណភាពអប់រំបន្ថែមទៀតតាមរយៈការអភិវឌ្ឍសមត្ថភាពលោកគ្រូ អ្នកគ្រូ និងការពង្រឹងយន្តការគ្រប់គ្រង កែលម្អនឹងវាយតម្លៃកម្មវិធីបណ្តុះបណ្តាលព្រមទាំងលើកកម្ពស់ការស្រាវជ្រាវនវានុវត្តន៍ និងបណ្តុះវប្បធម៌ស្រាវជ្រាវ  និងផ្តាំផ្ញើដល់ក្មួយៗសិស្សានុសិស្សត្រូវខិតខំសិក្សារៀនសូត្រជំនះនូវរាល់ឧបសគ្គ ដើម្បីកសាងខ្លួនឱ្យស័ក្តិសមជាពលរដ្ឋល្អ មន្ត្រីរាជការល្អ បុគ្គលិកល្អ ដោយប្រើប្រាស់នូវជំនាញចំណេះដឹង ចំណេះធ្វើពិតប្រាកដរបស់ខ្លួនប្រកបដោយមនសិការវិជ្ជាជីវៈការ ទទួលខុសត្រូវ សីលធម៌ល្អ និងការដាក់ខ្លួនបម្រើប្រជាជនដោយស្មោះស ដើម្បីបុព្វហេតុជាតិមាតុភូមិ។
   ជាមួយគ្នានេះ ឯកឧត្តម អភិបាលខេត្ត បានបន្តទៀតថា យុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលកម្ពុជា ចាត់ទុកការអភិវឌ្ឍមូលធនមនុស្ស គឺជាលក្ខខណ្ឌចាំបាច់មិនអាចខ្វះបានសម្រាប់ជំរុញពិពិធកម្ម និងកំណើនសេដ្ឋកិច្ចប្រកបដោយបរិយាបន្ន និងភាពធន់។
ហើយមូលធនមនុស្សមានគុណភាពខ្ពស់ និងសុខភាពល្អ គឺជាទ្រព្យសកម្មជាតិដ៏រឹងមាំសម្រាប់បង្កើនតម្លៃសេដ្ឋកិច្ច លើកកម្ពស់តម្លៃវប្បធម៌ និងបង្កើតគំនិតថ្មីៗសំដៅធានាចីរភាពនិងជីវភាពនៃការអភិវឌ្ឍក្នុងសង្គមនិងកំណើនសេដ្ឋកិច្ចរយៈពេលឱ្យបានយូអង្វែង។(សឹង រ៉ាត់)