ភ្នំពេញ៖ កុមារីម្នាក់ រងការវាធ្វើដំធ្វើទារុណកម្មពីសំណាក់ម្តាយធំ និងជីដូន ដោយយកក្រមាចងដៃចងជើង ទះកំភ្លាង និងជិះជាន់យ៉ាងសាហាវឃោរឃៅបំផុតក្រៅរបងមុខផ្ទះ ប៉ុន្តែក្រោយពេលសមត្ថកិច្ចហៅយកទៅសួរនាំឆ្លើយថា «ការវាយ និងចងដៃចងជើងក្មេងស្រីនោះ ព្រោះតែពួកគាត់ខឹងប្រដៅមិនស្តាប់»។
ករណីធ្វើទារុណកម្មលើកុមារយ៉ាងឃោរឃៅនេះ បានកើតឡេីងនៅវេលាម៉ោង ០៩និង៣០នាទីយប់ ថ្ងៃទី១៦ ខែធ្នូ ឆ្នាំ២០២៣ នេះ ត្រង់ចំណុចផ្ទះលេខ ៣០៩K ផ្លូវបេតុង ក្រុម៥ ភូមិទួលគោក សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។
ក្រោយពេលកើតមានករណីខាងលើ ស្ត្រីចំនួន ២នាក់ ត្រូវជាអ៊ុំ និងជីដូន ត្រូវបានសមត្ថកិច្ចអញ្ចេីញទៅបំភ្លឺនៅប៉ុស្តិ៍នគរបាលទួលសង្កែ១ បន្ទាប់ពីវីដេអូនៃអំពើទារុណកម្មលើកុមារី ត្រូវបានបង្ហោះចែកចាលលើបណ្តាញសង្គមបង្កការភ្ញាក់ផ្អេីលយ៉ាថខ្លាំង
តាមស្ត្រីបង្កហិង្សាលើក្មេងស្រី បានប្រាប់ប៉ូលិសឱ្យដឹងថា «សកម្មភាពគាត់ធ្វើនោះ គឺជាការអប់រំក្មួយ និងចៅគាត់តែប៉ុណ្ណោះ ពុំមានចេតនាប្រើហិង្សា ឬធ្វើទារុណកម្មទៅលើក្មួយ និងចៅគាត់នោះទេ។ ដោយសារតែកុមារីរងគ្រោះមានអាយុត្រឹមតែ ០៦ឆ្នាំ ជាក្មេងរពិសខ្លាំង និងរៀនខ្សោយនៅសាលា ហើយតែងតែបង្ករឿង រហូតអ្នកគ្រូស្តីបន្ទោសឲ្យពួកគាត់ជាអាណាព្យាបាលទៀតផង»។
ក្មេងស្រីរងគ្រោះមានឈ្មោះ យ ស.វ.ល.ស ភេទស្រី អាយុ ០៦ឆាំ្ន មុខរបរសិស្ស ស្នាក់នៅជាមួយអ៊ុំស្រី និងជីដូន ផ្ទះលេខ ៣០៩K ក្រុម៥ ផ្លូវបេតុង ភូមិទួលគោក សង្កាត់ទួលសង្កែ១ ខណ្ឌឫស្សីកែវ ដែលទទួលរងនូវអំពើហិង្សាពីសំណាក់ម្តាយធំ និងជីដូន។
ក្រោយកើតហេតុ ជនសង្ស័យឈ្មោះ ឃុន វ៉ាន់ដា ភេទស្រី មុខរបរនៅផ្ទះ មានទីលំនៅផ្ទះកើតហេតុខាងលើ ត្រូវជាអ៊ុំស្រីក្មេងរងគ្រោះ ត្រូវបានកម្លាំងនគរបាលប៉ុស្តិ៍ឃាត់ខ្លួនយកមកធ្វើការសាកសួរ។
ស្នងការនគរបាលរាជធានីភ្នំពេញ បានឲ្យដឹងថា មុនពេលកើតហេតុ នៅថ្ងៃខែឆ្នាំខាងលើ ជនសង្ស័យបានហៅក្មួយ ចំនួន ០៤នាក់ហូបបាយជុំគា្ន នៅក្នុងនោះ ក៏មានក្មេងស្រីរងគ្រោះផងដែរ។ ក្រោយពេលហូបបាយរួចជនសង្ស័យបានហៅជនរងគ្រោះមករៀន ប៉ុន្តែជនរងគ្រោះមិនមករៀនធើ្វឱ្យជនសង្ស័យខឹងទ្រាំមិនបានក៏ទាយដៃជនរងគ្រោះចេញពីផ្ទះមកឈនៅមុខផ្ទះខាងក្រៅរបងផ្ទះ រួចជនសង្ស័យបានបិទទា្វររបងផ្ទះដើរចូលក្នងផ្ទះ។
ប្រភពបន្តទៀតថា ក្មេងស្រីជនរងគ្រោះស្រែកយំក៏យកដៃវាយទា្វររបងផ្ទះធើ្វឱ្យជនសង្ស័យកាន់តែខឹងទ្រាំមិនបានក៏បើកទា្វរបងផ្ទះយកក្រម៉ាដែលទុកនៅលើម៉ូតូយកមកធ្វើសកម្មភាពចងជើង. ចងដៃជនរងគ្រោះឱ្យដេកផ្កាប់មុទៅនេងដីហើយជីដូនជនរងគ្រោះចេញពីក្នុងផ្ទះមកអង្គុយពីលើជនរងគ្រោះជួយចងជើងរួចដើរចូលក្នុងផ្ទះវិញ បិទទា្វររបងផ្ទះ។ ចំណែកជនរងគ្រោះនៅតែស្រែកយំធ្វើឱ្យជនសង្ស័យទ្រាំមិនបានបើកទា្វររបងផ្ទះចេញមកក្រៅទះកំភ្លាងជនរងគ្រោះចំនួន ០៣ ដៃទៅលើផ្ទៃមុខថែមទៀត។
បច្ចុប្បន្នស្ត្រីខាងលើ កម្លាំងប៉ុស្តិ៍នគរបាលរដ្ឋបាលទួលសង្កែ១ កំពុងឃាត់ខ្លួនជាបណ្ដោះអាសន្ន ដើម្បីចាត់ការតាមនីតិវិធី៕
រដ្ឋមន្រ្តីក្រសួងព័ត៌មាន ចាត់ទុកគ្រឹះស្ថានឯកជន ដើរតួនាទីសំខាន់ក្នុងការជួយបណ្ដុះបណ្ដាលធនធានមនុស្ស
ការរៀបចំដំណើរទស្សនកិច្ចរបស់ប្រជាពលរដ្ឋទៅកាន់តំបន់តាមព្រំដែនភាគឦសាននៃប្រទេសបានបិទបញ្ចប់
រដ្ឋមន្រ្តីក្រសួងសុខាភិបាល «ជំរុញលើកទឹកចិត្តដល់មន្រ្តីរាជការ បុគ្គលិក នៅមណ្ឌលសុខភាព ខិតខំបម្រើសេវាសុខាភិបាលឱ្យកាន់តែល្អប្រសើរ»
