ព្រះវិហារ៖ នៅថ្ងៃទី៣០ ខែសីហា ឆ្នាំ២០២៥ នេះ គណៈប្រតិភូសភាសហរដ្ឋអាមេរិក (CODEL) ដឹកនាំដោយលោកស្រី Beth Van Duyne ប្រធានគណៈប្រតិភូ និងជាសមាជិកសភាប្រចាំរដ្ឋ Texas បានអញ្ជើញចុះពិនិត្យដោយផ្ទាល់ពីស្ថានភាពរបស់ជនភៀសសឹកនៅមណ្ឌលសុវត្ថិភាព វត្តពោធិ៍៥០០០ដើម ស្ថិតក្នុងស្រុកគូលែន ខេត្តព្រះវិហារ។

ក្នុងបេសកម្មចុះពិនិត្យជនភៀសសឹកនៅវត្តពោធិ៍៥០០០ដើម ដោយទទួលបានការស្វាគមន៍យ៉ាងកក់ក្ដៅពី លោក គីម រិទ្ធី អភិបាលខេត្តព្រះវិហារ និងអាជ្ញាធរគ្រប់លំដាប់ថ្នាក់ផងដែរ។

ក្នុងដំណើរទស្សនកិច្ចរបស់សមាជិកសភាសហរដ្ឋអាមេរិក នាពេលនេះ ធ្វើឡើងក្នុងគោលបំណង ដើម្បីស្វែងយល់ពីជីវភាពរស់នៅ និងទុក្ខលំបាករបស់ប្រជាពលរដ្ឋកម្ពុជា ដែលបង្ខំចិត្តចាកចេញពីផ្ទះសម្បែង ដោយសារតែភ្លើងសង្គ្រាមឈ្លានពានពីសំណាក់កងទ័ពសៀម៕