បាត់ដំបង​៖ ​ជំនន់​ទឹកភ្លៀង​​កំពុង​វាយប្រហារ​កំណាត់​ផ្លូវ ស្ពាន លូ និង ផ្ទះសម្បែង​របស់​ប្រជាពលរដ្ឋ​នៅ​តាម​តំបន់​មួយចំនួន ក្នុងភូមិ​សាស្ត្រ​ស្រុក​សំឡូត ខេត្តបាត់ដំបង ដោយគិត​ត្រឹម​ម៉ោង​១០​ព្រឹក​ថ្ងៃ​ទី ៣១ សីហា ឆ្នាំ២០២៥នេះ ខណ​:​ សមត្ថកិច្ច​ក៏​កំពុង​​តាមដាន​ស្ថានភាព​ទឹក និង ជួយ​សង្គ្រោះ​។

យោងតាមប្រភព​បានឱ្យដឹងថា ស្ពាន​ទ្រុឌ​ទ្រម​ចំនួន​០២​កន្លែង នៅ​ក្នុង​ឃុំ​តា​តោក នឹង​ប្រឈម​ខ្លាំង​ជាងគេ ជាមួយនឹង​ជំនន់​ទឹកភ្លៀង​ក្នុង​ពេក​នេះ រីឯ​កំណាត់​ផ្លូវ​នៅ​តាម​តំបន់​ខ្លះ​ទៀត​ក៏​កំពុង​ត្រូវ​ទឹក​ហូរ​ឆ្លងកាត់​ជា​បណ្ដើរ​ៗ​ដែរ​។ 

គួរជម្រាបជូន​ថា ​ពេលនេះសមត្ថកិច្ច និង អាជ្ញាធរ​មូលដ្ឋាន​បាន​និង​កំពុង​ចុះ​ត្រូ​ត​ពិនិត្យ​ស្ថានភាព​ទឹក និង ត្រៀម​ជួយ​សង្គ្រោះ​ប្រជាពលរដ្ឋ​នៅ​ក្នុង​តំបន់​ដែល​ប្រឈម​នឹង​គ្រោះថ្នាក់​ខណ​ៈ​មេឃ​នៅ​តែ​ភ្លៀងរលឹម​មិន​ទាន់​ថមថយនៅឡើយទេ​៕