វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ កាលពីថ្ងៃសុក្រ បានគំរាមដាក់ពន្ធបន្ថែម ១០០% លើការនាំចូលរបស់ចិន ដែលចាប់ផ្តើមនៅថ្ងៃទី ១ ខែវិច្ឆិកា ខាងមុខ ឬឆាប់ជាងនេះ វាអាចបង្កើនអត្រាពន្ធគយជិតដល់កម្រិតខ្ពស់ ក្នុងការបង្កការភ័យខ្លាចនៃវិបត្តិសេដ្ឋកិច្ចសកលជាលើកទី២។
តាមការរាយការណ៍ពីភ្នាក់ងារសារព័ត៌មាន រ៉យទ័រ នៅថ្ងៃទី១១ តុលា នេះបានឲ្យដឹងថា ប្រធានាធិបតីអាមេរិក លោក ដូណាល់ ត្រាំ បានស្តារឡើងវិញនូវសង្គ្រាមពាណិជ្ជកម្មសារជាថ្មីប្រឆាំងនឹងទីក្រុងប៉េកាំង ជាការសងសឹកទៅលើប្រទេសចិនដែលបានទប់ស្កាត់ការនាំចេញសារធាតុរ៉ែដ៏សំខាន់របស់ខ្លួន។
ប្រធានាធិបតីអាមេរិក បានបង្ហាញការយកពន្ធបន្ថែមចំនួន ១០០% លើការនាំចេញដែលជាប់ព្រំដែនជាមួយប្រទេសចិន រួមជាមួយនឹងការត្រួតពិនិត្យការនាំចេញថ្មីលើ "កម្មវិធីសំខាន់ៗណាមួយ" ដែលនឹងចូលជាធរមានត្រឹមថ្ងៃទី១ ខែវិច្ឆិកា ខាងមុខ។
គួរបញ្ជាក់ឲ្យដឹងថា ក្រសួងដឹកជញ្ជូនរបស់ប្រទេសចិនបានប្រកាសកាលពីថ្ងៃទី១០ ខែតុលា ឆ្នាំ២០២៥ ថា នឹងដាក់ពន្ធបន្ថែមលើកប៉ាល់ដែលមានទំនាក់ទំនងជាមួយសហរដ្ឋអាមេរិកដែលបានចូលចតនៅកំពង់ផែចិន ហើយនឹងចូលជាធរមាននៅថ្ងៃទី១៤ ខែតុលា ឆ្នាំ២០២៥។
ជុំវិញការប្រកាសរបស់ទីក្រុងប៉េកាំង បង្ហាញពីការសងសឹកប្រឆាំងនឹងពន្ធស្រដៀងគ្នារបស់សហរដ្ឋអាមេរិកលើកប៉ាល់ដែលមានទំនាក់ទំនងជាមួយចិនដូចគ្នា៕
ពិតជាគ្មានការអៀនខ្មាស់មែន! តំណាងអចិន្ត្រៃយ៍រងថៃ បានថ្លែងប្រាប់អង្គការសហប្រជាជាតិថា ការឃុំខ្លួនកងកម្លាំងកម្ពុជាទាំង១៨ រូប ប្រព្រឹត្តទៅស្របច្បាប់និងមនុស្សធម៌
