ភ្នំពេញ៖ សមេ្ត​ចតេជោ ហ៊ុន សែន អំពាវនាវដល់អ្នកភូតកុហបញ្ឈប់ប្រើការឈឺចាប់របស់សម្តេច ដើម្បីផលប្រយោជន៍ផ្ទាល់ខ្លួនតទៅទៀតទៅ។  នេះជាការបង្ហោះសារនៅលើបណ្តាញទំនាក់ទំនងសង្គមផ្លូវការ នាព្រឹកថ្ងៃទី២៣ ខែមករា​ឆ្នាំ២០២៦។ សម្តេចតេជោបានសរសេរថា «សូមបញ្ឈប់ប្រើប្រាស់ការឈឺចាប់របស់ខ្ញុំកាលពី ៥០ឆ្នាំ មុនមកបោកប្រាស់ខ្ញុំតទៅទៀតទៅ»។

សម្តេចបានសរសេរទៀតថា ក្រោយរំដោះចេញពីរបបប៉ុល ពតឆ្នាំ១៩៧៩ ពិសេសក្រោយពេលដែលខ្ញុំនិយាយពីរឿងកូនស្លាប់ ដោយមានភាគនិទាននិងភាពយន្តរឿងកូនប្រុសក្រោមពន្លឺព្រះចន្ទពេញបូណ៍មីមកមានមនុស្សមិនតិច ជាង ២០ នាក់ ទេដែលបន្លំខ្លួនធ្វើជាកំសត់កូនប្រុសខ្ញុំដែលបានស្លាប់ទៅនោះមកចាប់ជាតិ។ មនុស្សទាំងនោះខ្លះសរសេរជាសំបុត្របញ្ជូនឱ្យខ្ញុំខ្លះចុះតាមទស្សនាវដ្តីនិងចុងក្រោយបង្ហោះតាមបណ្តាញសង្គមដូចជាFacebook ជាដើម។

ករណីចុងក្រោយហាក់ដូចធ្ងន់បន្តិចមានទាំងអត្ថបទមានទាំងសារឆ្លើយឆ្លងជាមួយមនុស្សដែលស្គាល់telegram របស់ខ្ញុំ។ ខ្ញុំសូមអំពាវនាវដល់អ្នកភូតកុហកឈប់ប្រើការឈឺចាប់របស់ខ្ញុំដើម្បីផលប្រយោជន៍ផ្ទាល់ខ្លួនតទៅទៀតទៅ៕