ភ្នំពេញ ៖ យុវជន២នាក់បានរួមគំនិតគ្នា យកម៉ូតូទៅបញ្ចាំម្នាក់ម្តងយកលុយដើរចាយវាយរហូតបែកធ្លាយរឿងដល់ឪពុកម្តាយយុវជនម្នាក់រៀបគំរោងឃាត់យុវជនម្នាក់ទៀតនិងហៅឪពុកម្តាយមកដោះស្រាយគ្នា។
ហេតុការណ៍នេះ បង្កការភ្ញាក់ផ្អើល នៅវេលា ម៉ោង៧និង៣៥នាទី ថ្ងៃទី២៦ ខែវិច្ឆិកា ឆ្នាំ២០២៤ ស្ថិតនៅត្រង់ចំណុចផ្លូវបំបែកស្តុបទួលពង្រ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។
យោងតាមប្រភពព័ត៌មាន ពីភាគីយុវជនម្ចាស់ម៉ូតូ និច បានឱ្យដឹងថា ខ្លួននិងមិត្តភក្តិបានយកម៉ូតូ និច របស់ខ្លួន ទៅដាក់បញ្ចាំ នៅឃ្លាំងរំសេវចំនួន៥០០ដុល្លារបន្ទាប់មកក៏ចាយវាយលុយនោះអស់ជាមួយគ្នា ។
ប្រភពបន្តថាក្រោយមក យុវជនម្ចាស់ម៉ូតូប៊ីត ចង់ជិះម៉ូតូ ម៉ាកនិច ខ្លួនក៏ថា បើពួកម៉ាកឯងចង់ជិះចឹង យកម៉ូតូ កំពុងជិះនឹង(ម៉ាកប៊ីត) ទៅដាក់បញ្ចាំលួស យកម៉ូតូ និច និងមកជិះមក ។
ដោយនិយាយត្រូវគ្នា យុវជនម្ចាស់ម៉ូតូ ហុងដាប៊ីត យល់ព្រម យកទៅដាក់បញ្ចាំ បានលុយ ៧០០ដុល្លារ និងបាន លួសយកម៉ូតូ និច មកវិញនៅសល់លុយ២០០ដុល្លារ ចែកលុយគ្នាចាយអស់ទៅ និងបានយកម៉ូតូម៉ាក និច នោះមកជិះបានមួយថ្ងៃ ក៏យុវជនម្ចាស់ម៉ូតូនិច មកលួងលោមយកម៉ូតូ និច នោះត្រឡប់ទៅវិញ ។
ក្រោយពេលកើតហេតុដោយភាគីម្ចាស់ម៉ូតូនិចបានទាក់ទងទៅឪពុកម្ដាយរបស់ខ្លួនឱ្យមកសំរួលដោះស្រាយគ្នាជាមួយនឹងឪពុកម្ដាយខាងម្ចាស់ម៉ូតូហុងដាប៊ីតរួចហើយនាំគ្នាទៅលួសយកម៉ូតូមកសងវិញដើម្បីបញ្ចប់រឿងតែម្តង៕
អ្នកឧកញ៉ា សំអាង វឌ្ឍនៈ បានជួយរៀបចំផ្ទាំងប៉ាណូ បង្ហាញទីតាំងវត្តនិគ្រោធវ័ន ហៅវត្តគល់ទទឹង ដើម្បីងាយដល់ពុទ្ធបរិស័ទមកទីឆ្ងាយធ្វើដំណើរចូលទៅវត្ត
