ភ្នំពេញ៖ ហេតុការណ៍នេះបានកើតឡើងនៅម៉ោង៩និង២០នាទីយប់ ថ្ងៃទី១២ ខែធ្នូ ឆ្នាំ២០២៤ តាមបណ្ដោយផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
រថយន្តសាំងយ៉ុងបើកបរសុខៗស្រាប់តែបែកកង់បណ្តាលឲ្យរេចង្កូតជ្រុលទៅបុកនិងក្បាលនាគថ្មពុះចែកទ្រូងផ្លូវ បាក់រលំអស់២កង់ព្រមទាំងរងការខូចខាតរថយន្តយ៉ាងដំណំ ។
ប្រភពព័ត៌មាននៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់ បានបើករថយន្តម៉ាក សាំងយ៉ុងពណ៌ស ពាក់ស្លាកលេខ ភ្នំពេញ2W6444 ធ្វើដំណើរតាមបណ្ដោយផ្លូវជាតិលេខ២ ក្នុងទិសដៅពីជើងទៅត្បូង ខណៈមកដល់ចំនុចកើតហេតុស្រាប់តែរថយន្តបែកកង់មុខចំហៀងខាងឆ្វេង បានរេចង្កូតទៅខាងឆ្វេងដៃជ្រុលទៅបុកក្បាលនាគថ្មពុះចែកទ្រូងផ្លូវបណ្ដាលឲ្យបាក់២កង់ ចំណែករថយន្តរងការខូចខាតខ្ទេចផែ្នកខាងមុខចំហៀងខាងឆ្វេង កល់ជាប់ទ្រូងផ្លូវទៅមុខលែងរួច ។
បន្ទាប់ពីកើតហេតុនៅសល់តែរថយន្តដែលរងការខូចខាតត្រូវសមត្ថកិច្ចមូលដ្ឋានប្រគល់សមត្ថកិច្ចជំនាញចរាចរណ៍ក្រុងស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោករង់ចាំដំណោះស្រាយគ្នានៅពេលក្រោយ ៕
ឧត្តមសេនីយ៍ឯក ជួន ណារិន្ទ បានបញ្ជាឲ្យមន្រ្តីជំនាញស្រាវជ្រាវ និងនាំខ្លួនលោកអធិការរងខណ្ឌដង្កោម្នាក់ មកសាកសួរ រឿងផ្ទុះអាវុធ១គ្រាប់គំរាមពលរដ្ឋ
អតីតនាយករដ្ឋមន្ត្រីថៃ លោក ថាក់ស៊ីន ត្រូវបង្ហាញខ្លួននៅតុលាការព្រហ្មទណ្ឌ លើសំណុំរឿងប្រមាថទៅលើស្តេចថៃ
