ភ្នំពេញ៖ ហេតុការណ៍នេះបង្កការណ៍ភ្ញាក់ផ្អើលកាលពីវេលាម៉ោង ៣និង៥៥ទៀបភ្លឺ ថ្ងៃទី០៤ខែមេសា ឆ្នាំ២០២៥ ស្ថិតនៅតាមបណ្ដោយផ្លូវជាតិលេខ ៦A សង្កាត់ព្រែកលៀប ខណ្ឌជ្រោយចង្វារ ។
បុរសម្នាក់បានបើករថយន្តកូរ៉េដឹកឈើមួយគ្រឿងបោះពួយយ៉ាងលឿនហោះរំលងសួនផ្លូវ ជ្រុលទៅបុកចំពីមុខរថយន្ត ម៉ាកឡិចស៊ីស RX570 បើកទៅផ្លូវម្ខាងទៀតទិសដៅបញ្រ្ចាស់គ្នាចំពីមុខពេញទំហឹង រួចបន្តទៅបុកទម្លុះចូលផ្ទះពលរដ្ឋខូចខាតយ៉ាងធ្ងន់ធ្ងរ សំណាងល្អមិនគ្រោះថ្នាក់ដល់មនុស្ស។
បើតាមប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តកូរ៉េដឹកឈើរពណ៌ខៀវមួយគ្រឿង
ពាក់ផ្លាកលេខភ្នំពេញ 2O-7405 បើកបរដោយបុរសម្នាក់ធ្វើដំណើរតាមបណ្ដោយផ្លូវជាតិលេខ ៦A ក្នុង ទិសដៅពីជើងទៅត្បូង លុះពេលបើកមកដល់ចំណុចកើតហេតុខាងលើស្រាប់តែរ៉េចង្កូតហោះរំលងសួនផ្លូវមកបុករថយន្ត ឡិចស៊ីស LX570 ពាក់ផ្លាកលេខភ្នំពេញ 2N-1899 បើកបរលក្ខណះគ្រួសារក្នុងទិសដៅពីត្បូងមកជើងនៅផ្លូវម្ខាងទៀតហើយរថយន្តមិនទាន់អស់ល្បឿនបន្តទៅបុកទម្លុះចូលផ្ទះពលរដ្ឋខូចខាតទ្វារអស់មួយចំនួន សំណាងមិនគ្រោះថ្នាក់ដល់មនុស្ស ហើយភ្លាមនោះអ្នកបើករថយន្តបង្កក៏បានចុះពីរថយន្ដគេចខ្លួនពីកន្លែងកើតហេតុបាត់ស្រមោល។

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយករថយន្ត ទៅរក្សាទុកដើម្បីរងចាំដោះស្រាយនៅពេលក្រោយ ៕