ភ្នំពេញៈ  ហេហេតុការណ៍នេះបង្កឲ្យមានការភ្ញាក់ផ្អើលឡើកាលពីម៉ោង១២និង៣០នាទីឈានចូលថ្ងៃទី៤ ខែមេសា ឆ្នាំ២០២៥ នៅចំនុចស្ថានីយប្រេងឥន្ធនៈPTT ជិតផ្សារស្ទឹងមានជ័យចាស់ ផ្លូវលេខ២១៧ សង្កាត់ស្ទឹងមានជ័យទី២ ខណ្ឌមានជ័យ ។
ក្មេងទំនើង២ក្រុមប្រដាប់ដោយមួកសុវត្ថិភាព និងខ្សែក្រវ៉ាត់ បានបេីកឆាកប្រយុទ្ធគ្នា បណ្តាលអោយមានអ្នករងរបួសតិចតួច ហើយនាំគ្នារត់គេចបាត់ ។
ប្រភពព័ត៌មានពីប្រជាពលរដ្ឋបានអោយដឹងថា ករណីហឹង្សារវាងក្មេងទំនើង២ក្រុម បានវាយគ្នាទៅវិញទៅមក មិនដឹងថាមូលហេតុអ្វីនោះទេ ដំបូងឡើយ ពួកគាត់បានឃេីញក្មេងទំនើងចំនួន២ក្រុមដោយមួយក្រុមមានមានគ្នា៣ទៅ៤នាក់ បានបេីកឆាកប្រយុទ្ធគ្នា ដោយម្ខាងៗប្រដាប់ដោយមួកសុវត្ថិភាព និងខ្សែក្រវ៉ាត់ វាយគ្នាទៅវិញទៅមក បណ្តាលអោយមានអ្នករងរបួសតិចតួចផងដែរ ។
ប្រភពដដែលបានបន្តទៀតថា ក្រោយវាយគ្នារួចក្រុមក្មេងទំនើងទាំងនោះ បាននាំគ្នាជិះម៉ូតូគេចចេញបាត់ទៅអស់។
ពាក់ព័ន្ធករណីនេះផងដែរ បងប្អូនប្រជាពលរដ្ឋសំណូមពរ អោយអាជា្ញធរមានសមត្ថកិច្ចជួយស្រាវជ្រាវរកក្រុមក្មេងទំនើងទាំងនោះ មកអប់រំណែនាំឬមានចំណាត់តាមផ្លូវច្បាប់ផងដែរ ព្រោះថាក្មេងៗទំនើងទាំងនោះតែងតែបង្ករភាពភ័យខ្លាចដល់ប្រជាពលរដ្ឋ និងបង្កឲ្យបាត់បង់សណ្តាប់ធ្នាប់ក្នុងមូលដ្ឋានថែមទៀតផង ៕