ពោធិ៍សាត់៖ ក្រុមជនជាតិវៀតណាម ចំនូន ០២នាក់ ត្រូវបានមន្ត្រីជំនាញផ្នែកជលផលបាកាន-ផលរាំង សហការជាមួយសមត្ថកិច្ចរម្រុះ ធ្វើការឃាត់ខ្លួនសាកសួរ ពាក់ព័ន្ធនឹងការប្រព្រឹត្តបទល្មើសនេសាទ ដោយខុសច្បាប់ប្រើប្រាស់ឧប្បករណ៍ទំនើបបំពងសម្លេងក្នុងទឹកដើម្បីចាប់ត្រី។
ហេតុការណ៍ដែលកម្លាំងចម្រុះតាមប្រមាញ់និងចាប់ខ្លួនបានព្រមទាំងវត្ថុតាងនេះបានកើតឡើងនាថ្ងៃអាទិត្យ ទី២៤ ខែធ្នូ ឆ្នាំ២០២៣ ត្រង់ចំណុចព្រៃខ្ញែង ស្ថិតក្នុងភូមិព្រែកក្រ ឃុំដីរនាត ស្រុកបាកាន ខេត្តពោធិ៍សាត់។
លោកនាយផ្នែកឲ្យដឹងថាៈ មន្ត្រីជំនាញជលផលបានអនុវត្តតាមបទបញ្ជាថ្នាក់ដឹកនាំខ័ណ្ឌ ដើម្បីទប់ស្កាត់ការប្រើប្រាស់ឧប្បករណ៍នេសាទហាមឃាត់ និងខុសច្បាប់លោកបានបញ្ជារឲ្យនាយសង្កាត់រាំងទិលសហការជាមួយកម្លាំងចម្រុល្បាតតាមដងទន្លេសាប ក្នុងដែនដីរបស់រដ្ឋបាលជលផល ប្រទះឃើញជនជាតិវៀតណាម ចំនួន ០២នាក់ កំពុងប្រើប្រាស់ប្រព្រឹត្តបទល្មើសដោយប្រើឧប្បករណ៍ទំនើបចាប់ត្រីក្នុងបឹងទន្លេសាប បានបង្ក្រាប និងឃាត់ខ្លួនព្រមទាំងវត្ថុតាងពាក់ព័ន្ធ ដើម្បីបំពេញបែបបទបញ្ជូនទៅកាន់តុលាការ។
លោកនាយផ្នែកជលផលបាកាន ឲ្យទៀតដឹងថា: ជនសង្ស័យ ចំនួន ០២នាក់ ខាងលើរួមមាន៖ ទី១- ឈ្មោះ ត្រឹង យ៉ុាំងហុង ភេទ ប្រុស អាយុ ៤៧ឆ្នាំ ជនជាតិ វៀតណាម (ជាឪពុក) និង ទី២- ឈ្មោះ ត្រឹង យ៉ុាងសឿង អាយុ ២៣ឆ្នាំ (ត្រូវជាកូន) មានទីលំនៅ ភូមិក្បាលតោល ឃុំកោះជីវាំង ស្រុកឯកភ្នំ ខេត្តបាត់ដំបង។
ចំពោះវត្ថុតាង រួមមាន៖ កាណួត ស្មាច់ភ្ជាប់ម៉ាសុីន ០១គ្រឿង មងបីជាន់ប្រវែង ២៥០ម៉ែត្រ ត្រីចម្រុះ ចំនួន ៤០គីឡូក្រាម កណ្ដឹងសំរាប់បំពងសម្លេងសម្រាប់ចាប់ត្រី និងបង្អេីលត្រី ០២គ្រឿង។
បច្ចុប្បន្ន ជនសង្ស័យទាំង ០២នាក់ ត្រូវបានបញ្ជូនទៅសាលាដំបូងខេត្តពោធិ៍សាត់ ពីបទៈ ប្រព្រឹត្តបទល្មើសនេសាទដោយប្រេីឧបករណ៍ទំនើបដែលគ្មានកំណត់ក្នុងប្រកាសរបស់ក្រសួងកសិកម្មរុក្ខាប្រមាញ់ និងនេសាទ៕ លាន គ្រន
ខេត្តប៉ៃលិន និងខេត្តស្រះកែវ ប្រជុំអនុវត្តសម្ព័ន្ធមេត្រីភាព និងពង្រឹងកិច្ចសហប្រតិបត្តិការល្អ
បងប្អូនប្រជាពលរដ្ឋនៅក្នុងស្រុកជុំគិរីនៅតែបន្តរបរធ្វើទ្រូឈ្នាងអង្រុតដើម្បីរួមចំណែកថែរក្សាកេរដំណែលវប្បធម៌ប្រពៃណីខ្មែរតាំងពីដូនតាមកម្ល៉ះ
អាណាព្យាបាលសិស្សចំនួន១៥០នាក់ប្រមូលផ្តុំគ្នានៅក្នុងសាលាសាលាបឋមសិក្សាទួលកីសម្តែងការព្រួយបារម្ភខណៈពេលខ្វះគ្រូបង្រៀន
