ថៃ៖ ក្រោយពីតុលាការធម្មនុញ្ញថៃ សម្រេចដកតំណែងលោកស្រី ផែថងថាន ជា នាយករដ្ឋមន្ត្រី នៅរសៀលថ្ងៃសុក្រនេះ តាមរបាយការណ៍ដំបូង បានបង្ហាញថា គណបក្ស Bhumjaithai បានទទួលសំឡេងសភាជាង ២៨០ សំឡេងរួចហើយ ដែលនឹងផ្តល់ឱ្យគណបក្សនេះនូវសំឡេងភាគច្រើននៅក្នុងសភា មុនពេលបោះឆ្នោតជ្រើសរើសនាយករដ្ឋមន្ត្រីថ្មី។ 

សម្រាប់ការវិភាគមានដូចខាងក្រោម៖ គណបក្សភូមិចៃថៃ ៦៩ សំឡេង, គណបក្សប្រជាជន ១៤៣ សំឡេង, គណបក្សក្លាថាំ ២៥ សំឡេង, គណបក្ស Palang Pracharath ចំនួន ២០ សំឡេង, គណបក្សប្រជាធិបតេយ្យ ៤ សំឡេង, គណបក្សថៃនិយម Ruam Thai ( Suchart Chomklin  s group) ១៦សំឡេង, គណបក្សតូច ៤ សំឡេង, គណបក្សថៃសាងថៃ ២ សំឡេង និងគណបក្សយុត្តិធម៌ ១ សំឡេង

លើសពីនេះ សមាជិកសភាចន្លេះពី១៥ទៅ១៧នាក់ មកពីក្រុមភាគឥសាននៃគណបក្សភឿថៃត្រូវបានគេរាយការណ៍ថា បានត្រៀមខ្លួនបោះឆ្នោត ដើម្បីគាំទ្រមេដឹកនាំ Bhumjaithai លោក Anutin Charnvirakul សម្រាប់តំណែងនាយករដ្ឋមន្ត្រីថ្មី ដោយលើកឡើងពីការថយចុះនៃការគាំទ្ររបស់សាធារណជនចំពោះរដ្ឋាភិបាលបច្ចុប្បន្ន និងការមិនពេញចិត្តចំពោះរបៀបដែលសមាជិកសភាត្រូវបានប្រព្រឹត្ត។ ក្រុមនេះបានប៉ះទង្គិចជាមួយថ្នាក់ដឹកនាំគណបក្ស បន្ទាប់ពីត្រូវបានដកចេញពីមុខតំណែងក្នុងការរុះរើគណៈរដ្ឋមន្ត្រីមុនៗ

នាយករដ្ឋមន្ត្រីស្តីទីថៃ លោក Phumtham Wechayachai ដែលជាឥស្សរជនជាន់ខ្ពស់របស់ភឿថៃ បានច្រានចោលការអះអាងនេះ ដោយលោកបានបញ្ជាក់ថា «ប្រសិនបើគណបក្ស Bhumjaithai ពិតជាមានសំឡេងគាំទ្រ ចំនួន ២៨០ សំឡេងនោះ ពួកគេអាចបង្កើតរដ្ឋាភិបាលបាន ហើយគួរតែមានបង្ហាញភ័ស្តុតាង»។ 
លោក Phumtham Wechayachai បញ្ជាក់ថា «គណបក្សភឿថៃ នៅតែមានអំណាច ហើយភាពជឿជាក់ថាទទួលបានការគាំទ្រច្រើន»។

លោកបានបន្ថែមថា ប្រសិនបើលោក Bhumjaithai កាន់កាប់បន្ត នោះការងារទាំងអស់របស់គណបក្សភឿថៃ មិនថាសំណុំរឿងលើការស៊ើបអង្កេតជម្លោះដីធ្លី Khao Kradong ឬការស៊ើបអង្កេតលើការចោទប្រកាន់ថាមានការលួចបន្លំសន្លឹកឆ្នោតក្នុងការបោះឆ្នោតព្រឹទ្ធសភាឆ្នាំ២០២៤ទេ នឹងត្រូវកំណត់ឡើងវិញចាប់ពីសូន្យ៕