ប្រទេសថៃ នឹងជូនដំណឹងជាផ្លូវការដល់កម្ពុជា អំពីផែនការរបស់ខ្លួន ក្នុងការសាងសង់របងតាមបណ្តោយព្រំដែន ថៃ-កម្ពុជា ក្នុងខេត្តស្រះកែវ ក្នុងអំឡុងពេលសម័យប្រជុំពិសេសនៃគណៈកម្មាធិការព្រំដែនរួម (JBC) នៅថ្ងៃទី២១ ខែតុលា ឆ្នាំ២០២២ នៅខេត្តច័ន្ទបុរី។ នេះបើយោងតាមចុះផ្សាយរបស់កាសែតថៃ នៅថ្ងៃទី១៩ តុលា ឆ្នាំ២០២៥។

លោក Nikorndej Balankura អ្នកនាំពាក្យក្រសួងការបរទេសថៃ បានថ្លែងថា កិច្ចប្រជុំនេះ JBC នឹងផ្តោតលើបញ្ហាចំនួនពីរ គឺការជូនដំណឹងដល់ប្រទេសកម្ពុជាអំពីរបង និងការដោះស្រាយអ្នកតាំងលំនៅនៅកម្ពុជា ការរំលោភយកដីនៅភូមិព្រៃចាន់ និងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលបានចោទប្រកាន់ថា ពលរដ្ឋកម្ពុជា បានតាំងទីលំនៅលើទឹកដីរបស់ថៃ។ ប៉ុន្តែការលើកឡើងរបស់ថៃនេះ ត្រូវបានកម្ពុជា បដិសេធជាច្រើនលើកជាសារ ដោយបានអះអាងថា ទីតាំងភូមិព្រៃចាន់ និងភូមិជោគជ័យ ជាទឹកដីរបស់កម្ពុជា។

លោក Nikorndej បានបញ្ជាក់ថា «សម័យប្រជុំពិសេសនៃគណៈកម្មាធិការព្រំដែនរួម (JBC) នៅថ្ងៃទី២១ ខែតុលា ក្រៅពីប្រធានបទទាំងពីរខាងលើថៃ គ្មានប្រធានបទផ្សេងទៀតនឹងត្រូវបានពិភាក្សាជាមួយកម្ពុជានោះទេ»។

សូមជម្រាបថា កិច្ចប្រជុំ JBC នឹងប្រព្រឹត្តឡើងជាប់នឹងការបើកកិច្ចប្រជុំគណៈកម្មាធិការព្រំដែនទូទៅ (GBC) នៅថ្ងៃទី២០–២១ ខែតុលា ដែលមានការចូលរួមពីរដ្ឋមន្ត្រីការពារជាតិថៃ និងរដ្ឋមន្ត្រីក្រសួងការពារជាតិកម្ពុជា។ កិច្ចប្រជុំ GBC នឹងពិភាក្សាអំពីប្រធានបទសំខាន់ៗ រួមទាំងការដកអាវុធធ្ងន់ ការដោះសោរគ្រាប់បែក បទល្មើសឆ្លងសហព័ន្ធ និងការគ្រប់គ្រងព្រំដែន។ 

ការពិភាក្សារបស់ JBC ត្រូវបានរៀបចំឡើង ដើម្បីផ្ដល់ព័ត៌មានជាមូលដ្ឋានសម្រាប់កិច្ចប្រជុំ GBC ដើម្បីធានាឲ្យមានការសម្របសម្រួល និងការរីកចម្រើនលើបញ្ហាព្រំដែនរួមកម្ពុជា-ថៃ៕