ការបណ្តេញក្រុមជនជាតិចិនទាំង ១១០ នាក់ គឺអនុវត្តតាមបទបញ្ជារបស់ លោកឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ និងថ្នាក់ដឹកនាំក្រសួងមហាផ្ទៃ លោកឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានណែនាំឱ្យនាយកដ្ឋានស៊ើបអង្កេត និងអនុវត្តនីតិវិធី បន្តធ្វើការបណ្តេញជនជាតិចិនទាំងនេះ ដោយពាក់ព័ន្ធករណីឆបោកតាមប្រព័ន្ធអ៊ិនធើណិត។
វិធានការនេះ បង្ហាញពីការអនុវត្តច្បាប់យ៉ាងម៉ឺងម៉ាត់របស់រាជរដ្ឋាភិបាល ក្នុងកិច្ចខិតខំប្រឹងប្រែងបោសសម្អាត និងលុបបំបាត់ឧក្រិដ្ឋកម្មតាមប្រព័ន្ធបច្ចេកវិទ្យា ដើម្បីធានាសុវត្ថិភាពជូនប្រជាពលរដ្ឋទាំងក្នុងតំបន់ និងសកលលោក។ ជាមួយគ្នានេះ អាជ្ញាធរក៏បន្តស្វែងរកមេខ្លោងនៅពីក្រោយ និងជួយសង្គ្រោះជនរងគ្រោះដែលត្រូវបានបោកបញ្ឆោតឱ្យចូលរួមសកម្មភាពឆបោក ដើម្បីឱ្យពួកគេមានសេរីភាព និងអាចវិលត្រឡប់ទៅប្រទេសរបស់ខ្លួនវិញ៕
កិច្ចប្រជុំរវាងអ្នកដឹកនាំកំពូលនៃគណបក្សប្រជាជនកម្ពុជា បក្សកុម្មុយនីស្តវៀតណាម និងបក្សប្រជាជនបដិវត្តន៍ឡាវ បង្កើនសាមគ្គីភាព និងសហប្រតិបត្តិការយុទ្ធសាស្ត្រថ្មី!
