ម៉ាឡេស៊ី៖  យោងតាមការចេញផ្សាយដោយទីភ្នាក់ងារសារព័ត៌មាន CNA នៅថ្ងៃទី០១ មេសា នេះថា  អាជ្ញាធរបាននិយាយបានឲ្យដឹងថា មនុស្ស១១២ នាក់បានរងរបួស នៅក្នុងហេតុការណ៍ផ្ទុះបំពង់បង្ហូរឧស្ម័ន Petronas ក្នុងតំបន់ Putra Heights នៃទីក្រុង Puchong កាលពីថ្ងៃអង្គារទី1 ខែមេសា ២០២៥នេះ ។

ជនរងគ្រោះចំនួន 49 នាក់កំពុងទទួលការព្យាបាលនៅមន្ទីពេទ្យ ក្នុងប្រាសាទ Sri Maha Kaliamman ខណៈដែលជនរងគ្រោះចំនួន 63 នាក់ផ្សេងទៀតត្រូវបានបញ្ជូនទៅមន្ទីរពេទ្យនៅក្បែរនោះដើម្បីព្យាបាលបន្ថែមទៀត។

អាជ្ញាធរម៉ាឡេស៊ីបាននិយាយជាបឋមថា មនុស្ស ៣៣ នាក់បានរងរបួស និង ៦ នាក់ត្រូវបានបញ្ជូនទៅមន្ទីរពេទ្យមុនពេលធ្វើចំនួនបច្ចុប្បន្នភាព ។ 

លោក Ahmad Mukhlis Mukhtar ជំនួយការនាយកដ្ឋានពន្លត់អគ្គីភ័យ និងជួយសង្គ្រោះ នៃរដ្ឋ Selangor បាននិយាយថា "អគ្គីភ័យនេះពាក់ព័ន្ធ នឹងការលេចធ្លាយបំពង់បង្ហូរឧស្ម័ន Petronas ជាមួយនឹងបំពង់បង្ហូរប្រេងប្រហែល 500 ម៉ែត្របានឆាបឆេះ" ដោយឡែកប្រជាពលរដ្ឋនៅជុំវិញតំបន់នោះ ត្រូវបានជម្លៀសចេញទៅទីមានសុវត្តិភាព។ អាជ្ញាធរអាកាសចរណ៍ស៊ីវិលម៉ាឡេស៊ី ណែនាំដល់សាធារណជនកុំឱ្យបង្ហោះដ្រូន លើតំបន់ដែលកំពុងរងផលប៉ះពាល់៕