វ៉ាស៊ីនតោន៖ អនុប្រធានាធិបតីអាមេរិក លោក JD Vance បាននិយាយកាលពីថ្ងៃព្រហស្បតិ៍ម្សិលមិញនេះថា ឥណ្ឌា និងប៉ាគីស្ថាន គួរតែកាត់បន្ថយភាពតានតឹង ប៉ុន្តែលោកបានបន្ថែមថា សហរដ្ឋអាមេរិកមិនអាចគ្រប់គ្រងប្រទេសជិតខាងអាស៊ីដែលមានអាវុធនុយក្លេអ៊ែរបានទេ ហើយសង្រ្គាមរវាងពួកគេមិនមែនរឿងរបស់អាមេរិកនោះទេ។

លោក Vance បាននិយាយនៅក្នុងបទសម្ភាសន៍មួយនៅលើកម្មវិធី Fox News ថា "លោកចង់ឱ្យរឿងនេះកាត់បន្ថយឱ្យបានលឿនតាមដែលអាចធ្វើទៅបាន។ 

ហើយអាមេរិកមិនអាចគ្រប់គ្រងប្រទេសទាំងនេះបានទេ" ។ 

លោកបានបន្ថែមថា "អ្វីដែលអាមេរិកអាចធ្វើបានគឺព្យាយាមលើកទឹកចិត្តប្រទេសទាំងពីរនេះឱ្យបន្ថយភាពតានតឹងបន្តិច ប៉ុន្តែអាមេរិកនឹងមិនចូលរួមក្នុងពាក់កណ្តាលសង្រ្គាម ព្រោះជម្លោះនេះមិនមែនជារឿងរបស់អាមេរិកនោះទេ ហើយទាំងនេះក៏មិនមានអ្វីដែលត្រូវធ្វើជាមួយសមត្ថភាពរបស់អាមេរិកក្នុងការគ្រប់គ្រងភាពតានតឹងនេះដែរ" ។

គួរបញ្ជាក់ថា ឥណ្ឌាគឺជាដៃគូដ៏សំខាន់សម្រាប់ទីក្រុងវ៉ាស៊ីនតោន ដែលមានបំណងទប់ទល់នឹងការកើនឡើងនៃឥទ្ធិពលរបស់ចិន ខណៈដែលប៉ាគីស្ថានក៏ជាសម្ព័ន្ធមិត្តរបស់សហរដ្ឋអាមេរិកដែរ។

បើយោងតាមអ្នកវិភាគ និងអតីតមន្ត្រីមួយចំនួនបាននិយាយថា ការចូលរួមរបស់សហរដ្ឋអាមេរិកដើម្បីសម្រេចបាននូវគោលដៅការទូត នៅក្នុងសង្គ្រាមរបស់រុស្ស៊ីនៅអ៊ុយក្រែន និងសង្រ្គាមរបស់អ៊ីស្រាអែលនៅតំបន់ហ្គាហ្សា អាចធ្វើឱ្យទីក្រុងវ៉ាស៊ីនតោនចាកចេញពីប្រទេសឥណ្ឌា និងប៉ាគីស្ថានដោយខ្លួនឯងនៅដើមដំបូងនៃភាពតានតឹងរបស់ពួកគេ ដោយគ្មានសម្ពាធដោយផ្ទាល់ពីរដ្ឋាភិបាលសហរដ្ឋអាមេរិកនោះទេ។

ហើយគួរឲ្យដឹងថា ទីក្រុងវ៉ាស៊ីនតោនបានជួបពិភាក្សាជាទៀងទាត់ជាមួយភាគីទាំងពីរក្នុងរយៈពេលប៉ុន្មានថ្ងៃថ្មីៗនេះ រួមទាំងនៅថ្ងៃព្រហស្បតិ៍ម្សិលមិញនេះដែរ នៅពេលដែលរដ្ឋមន្ត្រីការបរទេស Marco Rubio បានទូរស័ព្ទជាមួយនាយករដ្ឋមន្ត្រីប៉ាគីស្ថាន និងរដ្ឋមន្ត្រីការបរទេសឥណ្ឌាដើម្បីជំរុញឱ្យពួកគេបន្ថយភាពតានតឹង និងមានការសន្ទនាគ្នាដោយផ្ទាល់៕