ខេត្តកំពង់ស្ពឺ ៖ ជនសង្ស័យជាមុខសញ្ញាជួញដូរគ្រឿងញៀនចំនួន០២នាក់ ត្រូវបានកម្លាំងនគរបាលស្រុកបសេដ្ឋធ្វើការឃាត់ខ្លួនជាមួយវត្ថុតាងមួយចំនួនផងដែរ។ការឃាត់ខ្លួនក្រុមជនសង្ស័យបាន កាលពីយប់ថ្ងៃ ទី២៧ ខែធ្នូ ឆ្នាំ២០២៤ កម្លាំងផ្នែកគ្រឿងញៀនសហការជាមួយប៉ុស្តិ៍នគរបាលរដ្ឋបាលកាត់ភ្លុក ល្បាតតាមភូមិសាស្ត្រឃុំកាត់ភ្លុកដល់ចំណុចកញ្ចុះដីឡូត៍ទំនេរស្ថិតក្នុងភូមិថ្លុកបី ឃុំកាត់ភ្លុកស្រុកបសេដ្ឋ ខេត្តកំពង់ស្ពឺ។មន្ត្រីនគរបាលបានបន្តថា មុខសញ្ញាពាក់ព័ន្ធគ្រឿងញៀន០២នាក់ ឃាត់បានទី១-ឈ្មោះ ប៉ុម រ៉ា ហៅស្នា ភេទប្រុស អាយុ៣៨ឆ្នាំ និងទី២-ឈ្មោះ ប៊ូ សុភាន់ ភេទប្រុស អាយុ៣៥ឆ្នាំ ទាំងពីរនាក់រស់នៅភូមិថ្លុកបី ឃុំកាត់ភ្លុក ស្រុកបសេដ្ឋ ខេត្តកំពង់ស្ពឺ ត្រួតពិនិត្យឆែកឆេរលើដងខ្លួនរកឃើញដកហូតវត្ថុតាងរួមមាន៖-ម្សៅក្រាម សថ្លាសង្ស័យជាគ្រឿងញៀនចំនួន០២កញ្ចប់(ធំ១កញ្ចប់ តូច១កញ្ចប់)

-ប្រាក់ដូល្លាចំនួន$៧០០០(ប្រាំពីរពាន់ដុល្លារគត់)

-ប្រាក់រៀល៥០០០០០៛(ប្រាំសែនរៀលគត់)

-ទូរស៍ព្ទដៃ១គ្រឿង

-ដាវ១ដើម

-អាវុធវៃងកែច្នៃហ្គាស១ដើម

-អាវុធខ្លីកែច្នៃហ្គាស១ដើម

-បង់កាំភ្លើងខ្លីចំនួន២បង់

-គ្រាប់ កាំភ្លើងចំនួន៤គ្រាប់

-ក្វាវ១ដើម

-កំប៉ុងហ្គាសសម្រាប់បញ្ចូលអាវុធកែច្នៃ១កំប៉ុង

-ជញ្ជីងសម្រាប់ថ្លឹងគ្រឿងញៀន១គ្រឿង

-ម៉ូតូម៉ាក់សង់ពណ័ខ្មៅ សេរីឆ្នាំ២០២៤ពាក់ស្លាកលេខ កំពង់ស្ពឺ 1Z-7372លេខតួលេខមាសុីនND125NE 0189051 ០១គ្រឿងថង់ផ្លាស់ស្ទិកសម្រាប់ច្រកគ្រឿងញៀនមួយចំនួន និង ឧបករណ៍សម្រាប់ប្រើប្រាស់គ្រឿងញៀនមួយចំនួនទៀត ។

សរុបគ្រឿងញៀនចំនួន០២កញ្ចប់ (ធំ១កញ្ចប់ តូច១កញ្ចប់ )ថវិការចំនួន$៧០០០(ប្រាំពីរពាន់ដុល្លាអាមេរិក)នឹងប្រាក់រៀលចំនួនហាសិនមុីនរៀលគត់(៥០០០០០៛)។ ករណីនេះ កំលាំងជំនាញផ្នែកប្រឆាំងគ្រឿងញៀនកំពុងកសាងសំណុំរឿងបញ្ជូនទៅកាន់ការិយាល័យប្រឆាំង គ្រឿងញៀននៃស្នងការដ្ឋាននគរបាលខេត្តកំពង់ស្ពឺចាត់ការបន្តតាមផ្លូវច្បាប់៕