គិតត្រឹមថ្ងៃទី 1 ខែមករា ឆ្នាំ 2025 បុគ្គលដែលមានបំផុតទាំង 10 របស់ពិភពលោកមានតម្លៃសរុប 1.9 ពាន់ពាន់លានដុល្លារ ដោយមានការកើនឡើងពី 1.8 ពាន់ពាន់លានដុល្លារកាលពីមួយខែមុន។ 

ក្នុងនោះផងដែរ បុគ្គលចំនួនប្រាំពីរក្នុងចំនោម 10 នាក់បានមើលឃើញថាទ្រព្យសម្បត្តិរបស់ពួកគេគឺពិតជាមានការកើនឡើង ដោយបានបញ្ជាក់ពីភាពស្វាហាប់នៃទ្រព្យសម្បត្តិដ៏ច្រើនមហិមានៅក្នុងថ្នាក់មហាសេដ្ឋី។

យោងតាម Forbes បានធ្វើការតាមដានមហាសេដ្ឋីពិភពលោកចាប់តាំងពីឆ្នាំ 1987 ដោយកំណត់អត្តសញ្ញាណ 2,781 ក្នុងចំណោមមហាសេដ្ឋីជាច្រើននៅក្នុងបញ្ជីប្រចាំឆ្នាំ 2024 នៃខែមេសា។ 

ក្នុងនោះផងដែរ សហរដ្ឋអាមេរិកបាននាំមុខគេក្នុងបញ្ជីមហាសេដ្ឋីពិភពលោកឆ្នាំ 2025 របស់ទស្សនាវដ្ដី Forbes ជាមួយនឹងកំណត់ត្រាមហាសេដ្ឋីចំនួន 813 នាក់ តាមពីក្រោយដោយប្រទេសចិនចំនួន 473 នាក់ និងឥណ្ឌាទទួលបានចំណាត់ថ្នាក់លេខ 3 ដែលមានមហាសេដ្ឋីចំនួន 200 នាក់ផងដែរ។

យ៉ាងណាមិញ បើយើងងាកមកមើល Elon Musk គ្រាន់តែចាប់ផ្តើមក្នុងឆ្នាំ 2025 នេះភ្លាម ក្នុងនាមជាអ្នកមានបំផុតលើពិភពលោក ជាមួយនឹងទ្រព្យសម្បត្តិសុទ្ធចំនួន 433.9 ពាន់លានដុល្លារ ដែលភាគច្រើនត្រូវបានជំរុញដោយតម្លៃរបស់ក្រុមហ៊ុន SpaceX ចំនួន 350 ពាន់លានដុល្លារផងដែរ។ 

ក្នុងនោះត្រូវបានគេសន្និដា្ឋនថា ទ្រព្យសម្បត្តិសុទ្ធរបស់ Musk បានកើនឡើងយ៉ាងខ្លាំងដោយចំនួន $91 ពាន់លានដុល្លារចាប់តាំងពីថ្ងៃទី 1 ខែធ្នូ ឆ្នាំ 2024 ដែលទាំងនេះជាហេតុក្នុងការជួយពង្រឹងតំណែងរបស់ SpaceX ដែលជាក្រុមហ៊ុនឯកជនដ៏មានតម្លៃបំផុតនៅទូទាំងពិភពលោក។ 

បន្ថែមពីលើ SpaceX លោក Musk ក៏ជាអ្នកដឹកនាំក្រុមហ៊ុន Tesla ដែលកាន់កាប់ភាគហ៊ុននៅក្នុងប្រព័ន្ធផ្សព្វផ្សាយសង្គម X ក្រុមហ៊ុន AI xAI និងក្រុមហ៊ុនផ្លូវរូងក្រោមដី Boring Co ផងដែរ។

ទន្ទឹមនឹងនោះដែរ បន្ទាប់ពី Elon Musk ក៏មានមហាសេដ្ឋីចំនួន ៩ នាក់ផ្សេងទៀតដែរ ត្រូវបានគេចាត់ទុកថា ជាកំពូលមហាសេដ្ឋីដែលមានទ្រព្យសម្បត្តិច្រើនជាងគេរបស់ពិភពលោក។ 

ហើយខាងក្រោមនេះគឺជាកំពូលអ្នកមានបំផុតទាំង ១០ នៅលើផែនដីបើគិតត្រឹមថ្ងៃទី ១ ខែមករា ឆ្នាំ ២០២៥ នេះ៖
១. Elon Musk – 421.2 ពាន់លានដុល្លារ

២. Jeff Bezos – ២៣៣,៥ ពាន់លានដុល្លារ

៣. Larry Ellison – 210 ពាន់លានដុល្លារ

៤. Bernard Arnault – 192 ពាន់លានដុល្លារ

៥. Bill Gates - ១៧០ ពាន់លានដុល្លារ

៦. Warren Buffett – ១៥៩ ពាន់លានដុល្លារ

៧. Mark Zuckerberg – ១៤៩ ពាន់លានដុល្លារ

៨. Sergey Brin – ១៣៩ ពាន់លានដុល្លារ

៩. Larry Page – 134 ពាន់លានដុល្លារ

១០. Jensen Huang – ១១៨ ពាន់លានដុល្លារ