លោកនាយករដ្ឋមន្ត្រីថៃ Anutin Charnvirakul បានប្រកាសអះអាងពី ជ័យជម្នះក្នុងការបោះឆ្នោតសកល បន្ទាប់ពីលទ្ធផលរាប់សន្លឹកឆ្នោតបឋម បង្ហាញថា គណបក្សអភិរក្សនិយមកាន់អំណាចរបស់លោកកំពុងនាំមុខគូប្រជែងសំខាន់ៗ។

តាមការបង្ហាញពីលទ្ធផលដំបូង ការគាំទ្រពីប្រជាពលរដ្ឋចំពោះគណបក្សរបស់ លោក Anutin នៅតែមានភាពរឹងមាំ ខណៈគូប្រជែងមួយចំនួនមិនអាចប្រមូលសំឡេងគាំទ្របានដូចការរំពឹងទុក។ លោកបានថ្លែងថា «សន្លឹកឆ្នោតទាំងនេះបង្ហាញពីការជឿទុកចិត្តរបស់ប្រជាជនលើគោលនយោបាយ និងការដឹកនាំរបស់រដ្ឋាភិបាលបច្ចុប្បន្ន»។

ទោះជាយ៉ាងណា អាជ្ញាធរបោះឆ្នោតថៃនៅតែបន្តដំណើរការរាប់សន្លឹកឆ្នោតផ្លូវការ ហើយលទ្ធផលចុងក្រោយនឹងត្រូវប្រកាសក្រោយពេលបញ្ចប់ដំណើរការទាំងមូល៕