ភ្នំពេញ៖ បុរសម្នាក់បើករថយន្តតូយ៉ូតាព្រុសក្នុងល្បឿនលឿនបួងចង្កូតគេចពីរថយន្តមួយគ្រឿងមិនចាំម៉ាកបណ្ដាលឱ្យជ្រុលទៅបុកបង្កាន់ដៃរបងព្រលានយន្តហោះក្រឡាប់ផ្ងារជេីងឡើងលើ តែសំណាងល្អតៃកុងមិនមានរងរបួសនោះទេ។
ហេតុការណ៍នេះបានកេីតឡើងនៅវេលាម៉ោង៣និង៤៥នាទីទៀបភ្លឺឈានចូលថ្ងៃទី២៣ ខែធ្នូ ឆ្នាំ២០២៤ ស្ថិតនៅតាមបណ្ដោយផ្លូវសហព័ន្ធរុស្ស៊ី ត្រង់ភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
បើយោងតាមប្រភពព័ត៌មានបញ្ជាក់ពីតៃកុងរថយន្តបង្កម៉ាកតូយ៉ូតាព្រុសពណ៌ប្រផេះ ពាក់ស្លាកលេខភ្នំពេញ2BO-6673 បានអោយដឹងថា នៅមុនពេលកេីតហេតុខណៈខ្លួនបេីកបរមកដល់ចំណុចខាងលើក៏បានបួងចង្កូតគេចពីរថយន្តមួយគ្រឿងដែលបេីកបរនៅខាងមុខមកខាងស្ដាំបណ្ដាលឱ្យជ្រុលទៅបុករះបង្កាន់ដៃរបងដាច់ខូចខាតជាច្រើនកង់។បន្ទាប់មករថយន្តបានក្រឡាប់ទៅផ្ទប់នឹងរបងព្រលាន រងការខូចខាតបន្តទៀត។
ក្នុងហេតុការណ៍នេះមិនបង្កគ្រោះថ្នាក់ដល់តៃកុងរថយន្ត នឹងអ្នកដំណើរនោះទេ។ ក្រោយបង្ករួចម្ចាស់រថយន្តក៏បានបើកទ្វារលូនចេញមកខាងក្រៅហើយក៏ហៅម៉ូតូកង់បីជិះគេចខ្លួនទៅបាត់ស្រមោលទៅ។
ក្រោយពេលកើតហេតុគ្រោះថ្នាក់ចរាចរណ៍ខាងលើរថយន្តបង្កត្រូវបាននគរបាលផ្នែកជំនាញចរាចរណ៍ស្ទូចអូសយកទៅរក្សាទុកនៅការិយាល័យស្នងការដ្ឋាននគរបាលចរាចរណ៍ផ្លូវគោករង់ចាំដោះស្រាយនៅថ្ងៃក្រោយបន្ត៕
