ភ្នំពេញ៖ បុរសជាកម្មករម្នាក់បានរងរបួសធ្ងន់ត្រូវបានកងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យភ្លាមៗខណៈស្រាយខ្សែដេីម្បីឲ្យរថយន្តស្ទូចយកដែកសន្លឹកចេញពីរថយន្តក៏រអិលធ្លាក់មកសង្កត់ កាលពីវេលាម៉ោង២និង៣៤នាទីរសៀល ថ្ងៃទី២២ ខែធ្នូ ឆ្នាំ២០២៤ នៅតាមផ្លូវជាតិលេខ៣ ភូមិស្រែញ សង្កាត់ពងទឹក ខណ្ឌដង្កោ រាជធានីភ្នំពេញ។
ជនរងគ្រោះមានឈ្មោះ សោ លេង ភេទប្រុស អាយុ២៥ឆ្នាំ មុខរបរកម្មករ រងរបួសធ្ងន់ ប៉ះពាល់ផ្នែកក្បាល និងក។
តាមប្រភពព័ត៌មានបានឲ្យដឹងថា មុនពេលកេីតហេតុជនរងគ្រោះជាកម្មករនៅយានដ្ឋានខាងលេីបានទៅស្រាយខ្សែដេីម្បីឲ្យរថយន្តស្ទូចបន្ទះដែកសន្លឹងសម្រាប់ផ្សារតោនរថយន្តស្ទូចចេញពីរថយន្តមួយទៅដាក់ក្នុងយានដ្ឋាន ខណៈកំពុងស្រាយស្រាប់តែរអិលធ្លាក់មកសង្កត់ពីលេីបណ្តាលឲ្យរងរបួសធ្ងន់។
ក្រោយកេីតហេតុជនរងគ្រោះត្រូវបានរថយន្តសង្រ្គោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ដេីម្បីព្យាបាល៕
បង្រ្កាបផលិតផលគ្រឿងក្នុងជ្រូកខូចគុណភាព គ្មានសុវត្ថិភាព ជាង ៧០០គីឡូក្រាម ដែលចូលពីប្រទេសជិតខាង នៅក្នុងភូមិសាស្ត្រសង្កាត់ទួលសង្កែ១ យកទៅដុតកម្ទេចចោល
