ញូវយ៉ក៖ រដ្ឋបាលរបស់ប្រធានាធិបតីអាមេរិកលោក ដូណាល់ ត្រាំ បាននិយាយថា ខ្លួនបានលុបចោលជំនួយ និងកិច្ចសន្យាដែលមានតម្លៃប្រហែល ៤០០លានដុល្លារដល់សាកលវិទ្យាល័យកូឡុំប៊ី ដោយសារតែការយាយីប្រឆាំងនឹងសាសនា។

ចំពោះការកាត់បន្ថយជំនួយនេះ រដ្ឋបាលត្រាំ បាននិយាយថាជាជំនួយឥតសំណងដែលមានចំនួនជាង 5ពាន់លានដុល្លារដែលបានសន្យាចំពោះកូឡុំប៊ី។ 

ហើយថវិកាភាគច្រើនគឺសម្រាប់ការថែទាំសុខភាព និងការស្រាវជ្រាវវិទ្យាសាស្ត្រ។

យ៉ាងណាមិញ ពាក់ព័ន្ធនឹងការប្រកាសពីការកាត់បន្ថយថវិកាជាបន្ទាន់នេះទំនងជាប្រឈមមុខនឹងផ្លូវច្បាប់ ដោយក្រុមសិទ្ធិស៊ីវិលនិយាយថា ការលុបចោលកិច្ចសន្យារបស់សហរដ្ឋអាមេរិកនេះគឺខ្វះដំណើរការត្រឹមត្រូវ និងជាការដាក់ទណ្ឌកម្មមិនស្របតាមរដ្ឋធម្មនុញ្ញចំពោះការមិនទទួលខុសត្រូវចំពោះការសន្យារបស់ខ្លួន។

គួរជម្រាបឲ្យដឹងថា កាលពីឆ្នាំមុន កូឡុំប៊ីបានឈរនៅជួរមុខនៃចលនាតវ៉ារបស់និស្សិតនៅក្នុងទូទាំងបរិវេណសាកលវិទ្យាល័យកូឡុំប៊ី ដែលបាននាំគ្នាគាំទ្រប៉ាឡេស្ទីនប្រឆាំងនឹងអ៊ីស្រាអែល ខណៈដែលសង្រ្គាមរបស់អ៊ីស្រាអែលនៅហ្គាហ្សាបានផ្ទុះឡើង។ 

ក្នុងនោះសាកលវិទ្យាល័យនេះបាននិយាយថា ខ្លួនបានធ្វើការដើម្បីប្រយុទ្ធប្រឆាំងនឹងការប្រឆាំងសាសនា និងការរើសអើងផ្សេងទៀតនៅក្នុងបរិវេណសាលារបស់ខ្លួន ខណៈពេលដែលការពារការចោទប្រកាន់ពីក្រុមសិទ្ធិមនុស្សថា ខ្លួនកំពុងអនុញ្ញាតឱ្យរដ្ឋាភិបាលបំផ្លាញការការពារការនិយាយដោយសេរីរបស់បណ្ឌិតសភា។ 

ហើយក្រុមអ្នកតវ៉ាកូឡុំប៊ី បានទាមទារឱ្យសាលាបញ្ឈប់ការវិនិយោគ នៅក្នុងក្រុមហ៊ុនដែលគាំទ្រការកាន់កាប់យោធារបស់អ៊ីស្រាអែលនៅលើទឹកដីប៉ាឡេស្ទីនផងដែរ។