ម៉ូស្គូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២០ ខែមីនា ឆ្នាំ២០២០ ថា អ៊ុយក្រែនបានវាយប្រហារ លើអាកាសយានដ្ឋានទម្លាក់គ្រាប់បែកយុទ្ធសាស្ត្រដ៏ធំរបស់រុស្ស៊ី កាលពីថ្ងៃព្រហស្បតិ៍ម្សិលមិញ ជាមួយនឹងយន្តហោះគ្មានមនុស្សបើក ដោយបានបង្កឱ្យមានការផ្ទុះដ៏ធំ និងបាញ់បានចម្ងាយប្រហែល 700 គីឡូម៉ែត្រ ពីសមរភូមិជួរមុខនៃសង្គ្រាម។

វីដេអូដែលត្រូវបានផ្ទៀងផ្ទាត់ដោយ Reuters បានបង្ហាញពីការផ្ទុះដ៏ធំមួយដែលរាលដាលចេញពីអាកាសយានដ្ឋាន ដោយបានបំផ្លាញផ្ទះខ្ទមនៅក្បែរនោះ។ 

ក្រសួងការពារជាតិរុស្ស៊ីបាននិយាយថា ការការពារដែនអាកាសបានបាញ់ទម្លាក់យន្តហោះគ្មានមនុស្សបើកអ៊ុយក្រែនចំនួន 132 គ្រឿងលើតំបន់រុស្ស៊ី។

លោក Roman Busargin អភិបាលខេត្ត Saratov បាននិយាយថា មានការវាយប្រហារដោយយន្តហោះគ្មានមនុស្សបើករបស់អ៊ុយក្រែនមកលើទីក្រុង Engels ដែលបានបន្សល់ទុកនូវអាកាសយានដ្ឋានមួយត្រូវបានឆេះ ហើយអ្នកស្រុកនៅក្បែរនោះត្រូវបានជម្លៀសចេញ។ 

លោកមិនបាននិយាយជាក់លាក់អំពីមូលដ្ឋានទ័ព Engels ទេ ប៉ុន្តែវាជាអាកាសយានដ្ឋានសំខាន់ក្នុងតំបន់។

បើយោងតាមមន្ត្រីក្នុងតំបន់បាននិយាយថា យ៉ាងហោចណាស់មនុស្ស ១០នាក់បានរងរបួសក្នុងការវាយប្រហារនេះ។ 

អ្នកស្រុកមួយចំនួនក៏បានសម្តែងនូវការភ្ញាក់ផ្អើលនៅពេលរកឃើញផ្នែកផ្សេងៗនៃយន្តហោះគ្មានមនុស្សបើក របស់អ៊ុយក្រែននៅក្នុងសួនច្បាររបស់ពួកគេ។
 
បន្ថែមពីនេះ ប្រភពសន្តិសុខអ៊ុយក្រែនបាននិយាយនៅពេលនោះថា ការវាយប្រហារដោយយន្តហោះគ្មានមនុស្សបើកបានវាយប្រហារកន្លែងផ្ទុកគ្រាប់បែកក៏ដូចជាកាំជ្រួចមីស៊ីលនៅមូលដ្ឋាន Engels ផងដែរ។