អាមេរិក៖ លោក Donald Trump បានព្រមានថា លោកនឹងដាក់ពន្ធខ្ពស់ រួមទាំងនឹងដាក់ទណ្ឌកម្មបន្ថែមទៀតទៅលើប្រទេសរុស្ស៊ី ប្រសិនបើលោក Vladimir Putin បរាជ័យក្នុងការបញ្ចប់សង្រ្គាមនៅអ៊ុយក្រែន។ ដោយលោក Trump ក៏ធ្លាប់បាននិយាយកាលពីមុនថា លោកនឹងចរចាដំណោះស្រាយ ចំពោះការលុកលុយពេញលក្ខណៈរបស់រុស្ស៊ីទៅលើអ៊ុយក្រែន ដែលបានចាប់ផ្តើមនៅក្នុងខែកុម្ភៈ ឆ្នាំ 2022 ក្នុងរយៈពេលត្រឹមតែមួយថ្ងៃប៉ុណ្ណោះ។

ហើយចំពោះការព្រមានរបស់លោក ត្រាំ ពេលនេះរុស្ស៊ីនៅមិនទាន់បានឆ្លើយតបទៅនឹងការកត់សម្គាល់នេះនៅឡើយទេ ប៉ុន្តែបើតាមមន្ត្រីជាន់ខ្ពស់របស់រុស្ស៊ីបាននិយាយនៅក្នុងប៉ុន្មានថ្ងៃថ្មីៗនេះថា មានឱកាសតូចមួយសម្រាប់ទីក្រុងម៉ូស្គូក្នុងការដោះស្រាយជាមួយរដ្ឋបាលថ្មីរបស់សហរដ្ឋអាមេរិក។

គួរបញ្ជាក់ថា លោកពូទីនក៏ធ្លាប់បាននិយាយម្តងហើយម្តងទៀតថា លោកត្រៀមខ្លួនដើម្បីចរចាបញ្ចប់សង្រ្គាមដែលបានចាប់ផ្តើមដំបូងក្នុងឆ្នាំ 2014 ប៉ុន្តែថាអ៊ុយក្រែននឹងត្រូវទទួលយកការពិតនៃការទទួលបានទឹកដីរុស្ស៊ីដែលបច្ចុប្បន្នមានប្រហែល 20% នៃទឹកដីរបស់ខ្លួនប៉ុណ្ណោះ។ 

ហើយលោកក៏បានធ្វើការបដិសេធយ៉ាងដាច់ខាតដោយមិនអនុញ្ញាតឲ្យអ៊ុយក្រែនចូលរួមជាមួយណាតូនោះទេ។ 

ទាក់ទិនជាមួយនឹងសំណើររបស់រុស្ស៊ីបែបនេះ ទីក្រុង Kyiv មិនចង់បោះបង់ចោលទឹកដីរបស់ខ្លួនទេ បើទោះបីជាប្រធានាធិបតី Volodymyr Zelensky បានទទួលស្គាល់ថា គាត់ប្រហែលជាត្រូវប្រគល់ដីមួយចំនួនដែលកាន់កាប់បច្ចុប្បន្នជាបណ្ដោះអាសន្នក៏ដោយ។

ហើយកាលពីថ្ងៃអង្គារ នេះ លោក Trump បានប្រាប់សន្និសីទសារព័ត៌មានថា លោកនឹងកំពុងនិយាយជាមួយលោក ពូទីន "ក្នុងពេលឆាប់ៗនេះ" ហើយប្រសិនជាលោកពូទីន មិនព្រមនោះទេ លោកនឹងអនុវត្តទណ្ឌកម្មបន្ថែមទៀតទៅលើមេដឹកនាំរុស្ស៊ីរូបនេះ។

ទន្ទឹមនឹងនេះដែរប្រធានាធិបតីអ៊ុយក្រែនលោក Volodymyr Zelensky បានប្រាប់វេទិកាសេដ្ឋកិច្ចពិភពលោកកាលពីថ្ងៃអង្គារថា យ៉ាងហោចណាស់កងកម្លាំងរក្សាសន្តិភាព 200,000 កំពុងតែត្រូវការនៅក្រោមកិច្ចព្រមព្រៀងណាមួយ។ 

ហើយគាត់បានប្រាប់ទីភ្នាក់ងារ Bloomberg ថាកងកម្លាំងរក្សាសន្តិភាពណាមួយសម្រាប់ប្រទេសរបស់គាត់នឹងត្រូវបញ្ចូលទាហានអាមេរិកដើម្បីបង្កការ ការរារាំងជាក់ស្តែងចំពោះរុស្ស៊ី។

អមជាមួយនឹងការចាត់វិធានការដ៏តឹងតែងរបស់លោកត្រាំ ទៅលើរុស្ស៊ី ក្នុងនោះ លោកTrump មិនទាន់បានបញ្ជាក់ទេថាតើការដាក់ទណ្ឌកម្មសេដ្ឋកិច្ចបន្ថែមទៀតទៅលើរុស្ស៊ីអាចត្រូវបានគេកំណត់គោលដៅ ឬនៅពេលណានោះទេ។ 

ដោយសារតែចំពោះការនាំចូលរបស់រុស្ស៊ីទៅកាន់សហរដ្ឋអាមេរិកបានធ្លាក់ចុះចាប់តាំងពីឆ្នាំ 2022 មកម្ល៉េះ ហើយមានការរឹតបន្តឹងយ៉ាងធ្ងន់ធ្ងរគ្រប់ប្រភេទរួចទៅហើយ។

ហើយបច្ចុប្បន្ននេះ ការនាំចេញសំខាន់ៗរបស់រុស្ស៊ីទៅកាន់សហរដ្ឋអាមេរិកគឺមានតែ ជីផូស្វាត និងផ្លាទីន ប៉ុណ្ណោះ។