អាមេរិក៖ ប្រធានាធិបតីអាមេរិក លោក ដូណាល់ ត្រាំ បាននិយាយថា លោកនឹងធ្វើតាមការគំរាមកំហែងរបស់លោក ក្នុងការវាយលុកលើការនាំចូលពីប្រទេសកាណាដា និងម៉ិកស៊ិក ជាមួយនឹងពន្ធតាមព្រំដែន 25% ឬហៅថា ពន្ធគយ នៅថ្ងៃទី ១ ខែកុម្ភៈ ឆ្នាំ ២០២៥ ខាងមុខនេះ។ 

ថ្លែងទៅកាន់អ្នកសារព័ត៌មាននៅក្នុងការិយាល័យ Oval លោក Trump បាននិយាយថា វិធានការនេះគឺសំដៅដោះស្រាយចំនួនដ៏ច្រើន នៃជនចំណាកស្រុកដែលគ្មានឯកសារក្នុងការឆ្លងកាត់ព្រំដែនសហរដ្ឋអាមេរិក ក៏ដូចជាឱនភាពពាណិជ្ជកម្មជាមួយប្រទេសជិតខាង។ 

ក្នុងនោះ លោកប្រធានាធិបតីក៏បានស្នើថាលោកនៅតែគ្រោងនឹងដាក់ពន្ធថ្មីលើប្រទេសចិនដោយលោកបាននិយាយថា កាលពីដើមខែនេះនឹងមាន 10% ប៉ុន្តែមិនបានផ្តល់ព័ត៌មានលម្អិតណាមួយនៅឡើយទេ។ 

គួរជម្រាបផងដែរថា មុនពេលក្លាយជាប្រធានាធិបតី ក្នុងអំឡុងពេលនៃយុទ្ធនាការបោះឆ្នោត លោក Trump ក៏ធ្លាប់បានគំរាមវាយលុកផលិតផលដែលផលិតនៅប្រទេសចិនជាមួយនឹងពន្ធរហូតដល់ទៅ 60% ឯណោះ ប៉ុន្តែបានបញ្ឈប់សកម្មភាពភ្លាមៗនៅថ្ងៃដំបូងរបស់គាត់ដែលត្រលប់មកសេតវិមានវិញ ជំនួសវិញដោយបញ្ជាឱ្យរដ្ឋបាលរបស់គាត់សិក្សាពីបញ្ហានេះ។ 

ហើយការនាំចូលទំនិញរបស់សហរដ្ឋអាមេរិកពីប្រទេសចិនក៏បានធ្លាក់ចុះចាប់តាំងពីឆ្នាំ 2018 ដែលជាស្ថិតិមួយដែលអ្នកសេដ្ឋកិច្ចបានសន្មតថាជាផ្នែកនៃការកើនឡើងពន្ធជាបន្តបន្ទាប់ដែលលោក Trump បានដាក់កំឡុងអាណត្តិដំបូងរបស់គាត់។
 
កាលពីដើមខែនេះ មន្ត្រីចិនកំពូលមួយរូបបានព្រមានប្រឆាំងនឹងលទ្ធិគាំពារនិយម ខណៈដែលការវិលត្រលប់របស់ប្រធានាធិបតី Trump បន្តការគំរាមកំហែងនៃសង្គ្រាមពាណិជ្ជកម្មរវាងប្រទេសដែលមានសេដ្ឋកិច្ចធំជាងគេទាំងពីរ ប៉ុន្តែមិនបាននិយាយពីរបស់ឈ្មោះសហរដ្ឋអាមេរិកនោះទេ។

ថ្លែងទៅកាន់វេទិកាសេដ្ឋកិច្ចពិភពលោកនៅទីក្រុង Davos ប្រទេសស្វីស លោក Ding Xuexiang ឧបនាយករដ្ឋមន្ត្រីចិនបាននិយាយថា ប្រទេសរបស់លោកកំពុងស្វែងរកដំណោះស្រាយ "ឈ្នះ-ឈ្នះ" ចំពោះភាពតានតឹងពាណិជ្ជកម្ម និងចង់ពង្រីកការនាំចូលរបស់ខ្លួន។

ស្របគ្នានោះដែរ ប្រទេសកាណាដា និងម៉ិកស៊ិកក៏បាននិយាយដែរថា ពួកគេនឹងឆ្លើយតបទៅនឹងពន្ធរបស់សហរដ្ឋអាមេរិកជាមួយនឹងវិធានការរបស់ពួកគេផ្ទាល់ ខណៈពេលដែលប្រទេសទាំងពីរនេះ កំពុងស្វែងរកការធានាដល់ទីក្រុងវ៉ាស៊ីនតោនថាពួកគេកំពុងចាត់វិធានការដើម្បីដោះស្រាយកង្វល់ អំពីព្រំដែនសហរដ្ឋអាមេរិកជាមួយនឹងប្រទេសរបស់ពួកគេ។ 

ព្រោះថាប្រសិនបើការនាំចូលប្រេងរបស់សហរដ្ឋអាមេរិកពីប្រទេសកាណាដា និងម៉ិកស៊ិកត្រូវទទួលរងការយកពន្ធ នោះវានឹងធ្វើឱ្យប៉ះពាល់ដល់ការសន្យារបស់លោក Trump ក្នុងការធ្វើឱ្យតម្លៃនៃការរស់នៅធ្លាក់ចុះ។

សូមជម្រាបឲ្យដឹងដែរថា ពន្ធគយគឺជាពន្ធដែលនាំចូលលើទំនិញដែលផលិតនៅបរទេស។ 

ហើយបើតាមទ្រឹស្ដី ការបង់ពន្ធទំនិញចូលមកក្នុងប្រទេសមួយមានន័យថា ប្រជាជនមិនសូវទិញទំនិញទាំងនោះទេ ដោយសារតម្លៃនៃទំនិញនោះកាន់តែថ្លៃ។ 

ហើយគោលបំណងគឺថាពួកគេទិញផលិតផលក្នុងស្រុកដែលមានតំលៃថោកជំនួសវិញ ក្នុងការជំរុញសេដ្ឋកិច្ចរបស់ប្រទេសមួយ។ 

ប៉ុន្តែតម្លៃពន្ធលើថាមពលនាំចូលអាចត្រូវបានបញ្ជូនទៅឱ្យអាជីវកម្មនិងអ្នកប្រើប្រាស់ដែលអាចបង្កើនតម្លៃអ្វីៗគ្រប់យ៉ាងចាប់ពីប្រេងឥន្ធនៈរហូតដល់គ្រឿងទេជាដើម។

ហើយប្រហែលជា 40% នៃប្រេងឆៅដែលដំណើរការតាមរយៈរោងចក្រចម្រាញ់ប្រេងរបស់សហរដ្ឋអាមេរិកត្រូវបាននាំចូល និងភាគច្រើននៃប្រេងទាំងនោះមកពីប្រទេសកាណាដាផងដែរ។