យ៉ាងហោចណាស់មនុស្សមនុស្សចំនួន ០៧ នាក់ បានស្លាប់និង ១៩នាក់ទៀត បានរងរបួស នៅក្នុងហេតុការធ្លាក់យន្តហោះធន់តូចដឹកអ្នកជំងឺ និងសម្ភារៈវេជ្ជសាស្ត្រនៅក្បែរផ្សារទំនើបមួយក្នុងទីក្រុង Philadelphia សហរដ្ឋអាមេរិក កាលពីយប់ថ្ងៃសុក្រ កន្លងមកនេះ។ នេះបើយោងតាមការចេញផ្សាយរបស់ CNN នៅយប់ថ្ងៃសៅរ៍នេះ។

អភិបាលក្រុង Philadelphia បាននិយាយកាលពីព្រឹកថ្ងៃសៅរ៍ថា «មនុស្សចំនួន ០៧ នាក់ បានស្លាប់ ក្នុងនោះមនុស្សម្នាក់ កំពុងជិះក្នុងរថយន្តនៅលើដី បន្ទាប់ពីយន្តហោះ ០១គ្រឿងរបស់ក្រុមហ៊ុន Medevac បានដឹកអ្នកជំងឺកូន និងម្តាយរបស់នាងបានធ្លាក់នៅក្នុងសង្កាត់មួយ នៅភាគឦសាន នៃទីក្រុង Philadelphia កាលពីយប់ថ្ងៃសុក្រ»។ 

រដ្ឋបាលអាកាសចរណ៍សហព័ន្ធបានប្រាប់ CNN ថា៖ «យន្តហោះធន់តូច Learjet 55 បានធ្លាក់បន្ទាប់ពីចេញដំណើរពីអាកាសយានដ្ឋាន Philadelphia ភាគឦសាន»។

ចំណែកអ្នកនាំពាក្យរបស់ប្រតិបត្តិករជើងហោះហើរ Jet Rescue Air Ambulance បាននិយាយថា៖ «នៅលើយន្តហោះនោះ មានអ្នកជំងឺជាកុមារ និងម្តាយរបស់នាងបានត្រឡប់មកផ្ទះរបស់នាងវិញ បន្ទាប់ពីកុមារនោះបានទទួលការព្យាបាលជំងឺនៅឯមន្ទីរពេទ្យមួយ នៅទីក្រុង Philadelphia សហរដ្ឋអាមេរិក»។

លោក Claudia Sheinbaum ប្រធានាធិបតីនៃប្រទេសមិចស៊ិចកូបាននិយាយថា៖ «ខ្ញុំកាន់ទុក្ខចំពោះការស្លាប់របស់ជនជាតិម៉ិកស៊ិកប្រាំមួយនាក់ ក្នុងឧបទ្ទវហេតុធ្លាក់យន្តហោះ នៅទីក្រុង Philadelphia សហរដ្ឋអាមេរិក។ អាជ្ញាធរកុងស៊ុលកំពុងទាក់ទងជាអចិន្ត្រៃយ៍ជាមួយក្រុមគ្រួសារជនរងគ្រោះ។
 
ខ្ញុំបានស្នើឱ្យក្រសួងការបរទេសជួយពួកគេតាមមធ្យោបាយណាក៏ដោយ ដើម្បីយកពួកគេមកស្រុកកំណើតបានជួបជាមួយមនុស្សជាទីស្រលាញ់និងមិត្តភក្តិរបស់ពួកគេ»៕