ប្រធានាធិបតីសហរដ្ឋអាមេរិក លោក ដូណា ត្រាំ កំពុងបញ្ឆេះសង្គ្រាមពាណិជ្ជកម្មជាមួយប្រទេសធំៗ ចំនួន ០៣ មាន កាណាដា ម៉ិចស៊ិច និងចិន បន្ទាប់ពីលោកត្រាំ បានចេញបញ្ជាឲ្យដំឡើងពន្ធនាំចូលលើផលិតផលពីប្រទេសទាំងបី កាលពីថ្ងៃទី០១ ខែកុម្ភៈនេះ។

 ប្រទេសទាំងនេះ ក៏បញ្ចេញប្រតិកម្មឆ្លើយតបភ្លាមៗចំពោះវិធានការរបស់លោក ដូណា ត្រាំ ផងដែរ។

រដ្ឋបាលរបស់លោក ត្រាំ បាននិយាយថា៖ «ការដំឡើងពន្ធមានគោលបំណងកាត់បន្ថយលំហូរនៃគ្រឿងញៀន និងជនអន្តោប្រវេសន៍ដែលគ្មានឯកសារចូលទៅក្នុងអាមេរិកនិងដើម្បីការពារផលប្រយោជន៍ប្រជនអាមេរិក ប៉ុន្តែហានិភ័យនៃការកើនឡើងតម្លៃទំនិញសម្រាប់អ្នកប្រើប្រាស់អាមេរិក»។
 
លោក ត្រាំ បានបញ្ជាក់ថា៖ «ការដំឡើងពន្ធនាពេលនេះ គឺជាការបង្ខំឲ្យប្រទេសកាណាដា ម៉ិចស៊ិច និងចិន ចាត់វិធានការតឹងរឹងបន្ថែមទៀត ទប់ស្កាត់ការនាំចូលសារធាតុផ្សំថ្នាំញៀន fentanyl និងចាត់វិធានការទប់ស្កាត់ជនអន្តោប្រវេសន៍ខុសច្បាប់ ដែលចូលមកសហរដ្ឋអាមេរិក តាមកាណាដា និងម៉ិកស៊ិកតែម្តង»។ 

លោក ដូណាល់ ត្រាំ បានប្រកាសដំឡើងពន្ធ ២៥% លើទំនិញនាំចូលពីម៉ិកស៊ិក និងកាណាដា និង ១០% សម្រាប់ទំនិញនាំចូលពីប្រទេសចិន។
 
សម្រាប់ទំនិញផ្នែកថាមពលពីកាណាដា ដែលមានដូចជាប្រេងឥន្ធនៈ ឧស្ម័នធម្មជាតិ និងអគ្គិសនីជាដើម លោក ត្រាំ កំណត់ដំឡើងពន្ធ ១០%។ 

គួរកត់សម្គាល់ថា ការដំឡើងពន្ធលើផលិតផលថាមពលនាំចូលពីប្រទេសកាណាដា នឹងមាន ១០%។ 

ប្រជាជនអាមេរិកជាច្រើនពឹងផ្អែកលើផលិតផលអគ្គិសនីរបស់កាណាដា រួមទាំង ប្រេង អគ្គិសនី ឧស្ម័នធម្មជាតិ សម្រាប់ប្រេងឥន្ធនៈ និងកំដៅផ្ទះ។ 

តម្លៃទំនិញទាំងនោះអាចឡើងថ្លៃនៅពេលដែលពន្ធត្រូវបានគេដាក់ចេញឱ្យអនុវត្ត។
 
ជាការឆ្លើយតមនាយករដ្ឋមន្ត្រីកាណាដា លោក Justin Trudeau បានថ្លែងថា៖ «វិធានការរបស់រដ្ឋបានលោក ត្រាំ នាពេលនេះនឹងធ្វើឲ្យប្រទេសទាំងពីរបែកបាក់គ្នា ជំនួសមកវិញដោយការសងសឹកនឹងគ្នា។ 

នាយករដ្ឋមន្ត្រីកាណាដាថាក៏នឹងដំឡើងពន្ធគយ ២៥% លើទំនិញនាំចូលពីសហរដ្ឋអាមេរិក ចូលមកប្រទេសរបស់ខ្លួនដែលមានទំហំទឹកប្រាក់ប្រមាណ ១៥៥ ពាន់លានដុល្លារ»។ 

ចំណែកលោកស្រី Claudia Sheinbaum ប្រធានាធិបតី ម៉ិកស៊ិក ថាម៉ិចស៊ិចនឹងដាក់ចេញនូវវិធានមួយចំនួនដែលការឆ្លើយតបទៅលើការដំឡើងពន្ធរបស់សហរដ្ឋអាមេរិក។ 
ចំណែកនាយករដ្ឋមន្ត្រីកាណាដា លោក Justin Trudeau ក៏បានប្រកាសពីការយកពន្ធសងសឹកវិញចំពោះវិធានការដំឡើងពន្ធរបស់រដ្ឋបាលលោក ត្រាំ ផងងដែរ។ 

ក្រសួងពាណិជ្ជកម្មរបស់ប្រទេសចិនបានឱ្យដឹងថា៖ «ខ្លួននឹងដាក់ពាក្យបណ្តឹងទៅអង្គការពាណិជ្ជកម្មពិភពលោក និងចាត់វិធានការតបតជាមួយសហរដ្ឋអាមេរិកប៉ុន្តែមិនបានបញ្ជាក់លម្អិតនោះទេ»៕