លោក Elon Musk ជាមនុស្សដ៏មានឥទ្ធិពលលើពិភពលោក និងជិតស្និតបំផុត ជាមួយលោក ដូណា ត្រាំ នៅថ្ងៃចន្ទ ទី៣ ខែកុម្ភៈ ឆ្នាំ២០២៥ នេះ បានបញ្ជាក់ជាថ្មីថា៖ «លោកកំពុងតែរៀបចំនីតិវិធី ដើម្បីបិទភ្នាក់ងារជំនួយបរទេសរបស់អាមេរិក USAID»។

ប្រព័ន្ធផ្សព្វផ្សាយរបស់សហរដ្ឋអាម៉េរិក បានចុះផ្សាយថា មហាសេដ្ឋីអាម៉េរិក លោក Elon Musk បាននិយាយថា៖ «លោក Donald Trump ប្រធានាធិបតី បានយល់ព្រមថា ទីភ្នាក់ងារសហរដ្ឋអាម៉េរិកសម្រាប់ការអភិវឌ្ឍន៍អន្តរជាតិចាំបាច់ត្រូវតែ “បិទ” ហើយបច្ចុប្បន្ននេះ លោកកំពុងតែរៀបចំនីតិវិធី ដើម្បីឈានទៅដល់ការបិទជាផ្លូវការតែម្តង»។

លោក Elon Musk ជាអ្នកទទួលខុសត្រូវដ៏សំខាន់ម្នាក់ ក្នុងការរៀបចំកាត់បន្ថយការិយាល័យធិបតេយ្យ នៅក្នុងរដ្ឋបាលដឹកនាំដោយ លោក Trump និងកាត់បន្ថយការរាល់ចំណាយរបស់សហរដ្ឋអាមេរិក»។

សូមបញ្ជាក់ថា ការប្រកាស Elon Musk ធ្វើឡើងក្រោយពីរដ្ឋាភិបាលលោកសហរដ្ឋអាមេរិក ដឹកនាំដោយ Donald Trump បានប្រកាសបង្កកជំនួយគ្រប់ប្រភេទរបស់សហរដ្ឋអាម៉េរិករយៈពេល ៣ខែ និងរងចាំសម្រេចសារជាថ្មី៕