ប្រធានាធិបតី Donald Trump បានផ្អាករយៈពេល ៣០ ថ្ងៃចំពោះការយកពន្ធដ៏ច្រើនលើប្រទេសម៉ិកស៊ិក និងកាណាដា ដែលលោកបានគំរាមបន្ទាប់ពីការចរចារចុងក្រោយជាមួយប្រទេសជិតខាងរបស់លោក។

ហើយពេលនេះផងដែរ ចំពោះសង្រ្គាមពាណិជ្ជកម្មដែលនឹងបញ្ជូនរលកសេដ្ឋកិច្ចឆ្លងកាត់អាមេរិកខាងជើងនោះគឺត្រូវបានផ្អាកជាបណ្ដោះអាសន្នហើយ។

ដូច្នេះ តើនឹងមានអ្វីកើតឡើងបន្តទៀតបន្ទាប់ពីមានការពន្យាពេលបែបនេះ?

ការប្រឈមមុខដាក់គ្នារវាងប្រធានាធិបតី Trump ជាមួយនឹងដៃគូពាណិជ្ជកម្មជិតស្និទ្ធបំផុតរបស់សហរដ្ឋអាមេរិកហាក់ដូចជាបានចំណេញ ដោយទាំងម៉ិកស៊ិកនិងកាណាដាបានយល់ព្រមលើសន្តិសុខព្រំដែនកាន់តែតឹងរ៉ឹង និងចាត់វិធានការធំជាងនេះដើម្បីដោះស្រាយការជួញដូរសារធាតុញៀន fentanyl ផងដែរ។

ទាក់ទិនជាមួយនឹងការតម្លើងពន្ធគយរបស់លោក Trump ទៅលើដែកថែប និងអាលុយមីញ៉ូមក្នុងអំឡុងពេលអាណត្តិដំបូងរបស់លោក បានជំរុញឱ្យមានប្រតិកម្មតបវិញពីម៉ិកស៊ិក កាណាដា និងសហភាពអឺរ៉ុប ប៉ុន្តែអ្នកសេដ្ឋកិច្ចនិយាយថាវិធានការទាំងនោះមានកម្រិតក្នុងវិសាលភាពជាង។

គួរបញ្ជាក់ថា លោក Trump ធ្លាប់បានសន្យាថានឹងដំឡើងពន្ធទៅលើទំនិញពីម៉ិកស៊ិក កាណាដា ២៥ ភាគរយ និងចិន ១០ ភាគរយ។

ប៉ុន្តែមកដល់ពេលនេះ គេនៅតែមិនទាន់ច្បាស់ទេថា តើលោក Trump នឹងធ្វើតាមការគំរាមកំហែងរបស់គាត់ចំពោះប្រទេសកាណាដា និងម៉ិកស៊ិក នៅពេលដែលកាលបរិច្ឆេទកំណត់រយៈពេល ៣០ ថ្ងៃបានមកដល់ដែរឬយ៉ាងណា? 
 
ចំពោះអនាគតនៃទំនាក់ទំនងរវាងកាណាដា-អាមេរិក ចំពោះភាពជាដៃគូរវាងសម្ព័ន្ធមិត្តនៃប្រទេសទាំងពីរនេះ ត្រូវបានរង្គោះរង្គើយ៉ាងខ្លាំងដោយសារតែការគំរាមកំហែងសេដ្ឋកិច្ចរបស់លោក Trump ។